වැඩ තහනමට ලක්කර සිටින මහාධිකරණ විනිසුරු ගිහාන් පිලපිටිය මහතා සම්බන්ධයෙන් කෙරෙන විමර්ශනයට පොලිසියේ පංච පුද්ගල කමිටුවක් පත් කර තිබේ. වැඩ බලන පොලිස්පති සී.ඩී.වික්‍රමරත්න මහතා විසින් මෙම එම විමර්ශනයේ උදෘත පිටපත් අධ්‍යයනය කර නිර්දේශ ඉදිරිපත් කිරීම සඳහා නියෝජ්‍ය පොලිස්පතිවරු තිදෙනෙකු ඇතුළු පංච පුද්ගල විශේෂ කමිටුවක් පත් කර තිබේ. මේ අතර පාර්ලිමේන්තු මන්ත්‍රී රන්ජන් රාමනායක මහතා අධිකරණ…
දුම්රිය දෙපාර්තමේන්තුවේ සියලු සේවකයින්ට රක්ෂණාවරණයක් ලබාදීමට කටයුතු කරන බව දුම්රිය සේවා රාජ්‍ය අමාත්‍ය සී.බී රත්නායක රාජ්‍ය අමාත්‍යවරයා කොළඹ පැවැති උත්සවයකට එක්වෙමින් පැවසීය.
පාර්ලිමේන්තු මන්ත්‍රි රන්ජන් රාමනායක මහතාගේ හඩ පට සභාගත කර නැති බව කතානායක කරූ ජයසූරිය මහතා සදහන් කරයි. පාර්ලිමේන්තුවේදී ප්‍රකාශයක් කරමින් රන්ජන් රාමනායක මහතා කියා සිටියේ අදාළ හඩපට සභාගත කරන බව කිව්වත් එවැනි සභාගත කිරිමක් සිදුව නැති බව නියෝජ්‍ය කතානායක ආනන්ද කුමාරසිරි මහතා පාර්ලිමේන්තුවට දැනුම් දී ඇත.
දරු ප්‍රසූතිය සදහා ගර්භනී කාන්තාවන් ඇමෙරිකාවට ඇතුළුවීම වැළැක්වීමට ඇමෙරිකා ජනාධිපති ඩොනල්ඩ් ට්‍රම්ප් තීරණය කරයි. ඇමෙරිකාවේ උපත ලබන සෑම දරුවෙකුටම එරට පුරවැසිභාවය හිමි වීම හේතුකොට ගෙන ඇමෙරිකා ජනාධිපති ඩොනල්ඩ් ට්‍රම්ප් එය විවේචනය කරයි. වෛද්‍ය ප්‍රතිකාර සදහා ඇමෙරිකාවට ඇතුළුවන අය සදහා ද නීති දැඩිකර ඇති බවයි සදහන් වෙයි.
කොරෝනා වෛරසය හේතුවෙන් චීනයට හදිසි තත්ත්වයක් ප්‍රකාශයට පත් කිරීමට ලෝක සෞඛ්‍ය සංවිධානය තීරණය කරයි. අභිරහස් වෛරසය හේතුවෙන් චීනයේ පුද්ගලයින් 41 දෙනෙකු මියගොස් තිබෙනවා. පුද්ගලයින් 850 කට වෛරසය ආසාදනය වී ඇති බවයි විදෙස් පුවත් සේවා සදහන් කරයි. වෛරසය යුරෝපයටද පැතිර ගොස් ඇති බව සදහන් කරයි.
කැලණි ගංඉවුරේ සිට මීටර් 200 ක පමණ දුරින්, කැලණිමුල්ල ප්‍රදේශයේ විශාල වගුරු බිමක පිහිටි කසළ බැහැර කිරීමේ ස්ථානයක ඊයේ රාත්‍රී ගින්න හටගෙන ඇත. වගුරු බීමක්වීම නිසා ගින්න මැඩපැවැත්වීම සඳහා එම ස්ථානයට ළඟාවීමේ බාධා මතුව ඇතිබව ප්‍රදේශවාසින් සදහන් කරයි. වසරක පමණ කාලයක සිට කසළ බැහැර කරමින් එම වගුරු බිම ගොඩකිරීමේ ක්‍රියාවලියක් පවතින බව අනාවරණය වී තිබේ.
