Day: May 3, 2020

කොරෝනා වසංගතය හේතුවෙන් විදෙස් රටවල සිරව සිටින ශ‍්‍රී ලාංකිකයන් ගෙන්වාගැනීමේ මිලග අදියර අද (03) ආරම්භ වනවා. එක්සත් රාජධානියේ සිට සිසුන් ඇතුලු පිරිසක් එදිනට පැමිණීමට නියමිත බවයි ගුවන් තොටුපොල ආරංචි මාර්ග සදහන් කරන්නේ. ඕස්ට්‍රේලියාවේ මෙල්බන් නුවර සිට තවත් ශ‍්‍රී ලාංකිකයින් පිරිසක් ලබන 08 වනදා රැගෙන ඒමටද නියමිතයි.

කොළඹ දිස්ත්‍රික්කයේ ප්‍රදේශ රැසක සිරවී සිටි පුද්ගලයින් 300කට ආසන්න පිරිසක්  ගම්බිම් බලා පිටත් කර යැවුණි. ඒ, පෑලියගොඩ විජය කුමාරතුංග ක්‍රීඩාංගණයේ සිට බස් රථ මගිනි.

පරිප්පු සහ ටින් මාළු සඳහා පැන වූ උපරිම සිල්ලර මිල ඉවත් කර තිබේ. පරිප්පු සහ ටින් මාළු සඳහා රජය පාලන මිලක් පැනවූයේ පසුගිය 17 වැනි දා සිටය. පරිප්පු කිලෝග්‍රෑමයක් සඳහා රජය පනවා තිබූ උපරිම සිල්ලර මිල රුපියල් 65 කි. සැමන් ටින් එකක් සඳහා ද රුපියල් 100 ක උපරිම සිල්ලර මිලක් පනවා තිබුණි.