වසරේ පළමු පොහොය වන දුරුතු පොහොය අදට (28) යෙදී තිබේ. තථාගත සම්මා සම්බුදුරජාණන් වහන්සේ බුද්ධත්වයෙන් පසු ප්‍රථම ලංකා ගමනය සිදුකළේද අද වැනි පුන් පොහොය දිනකදීය. ඒ, එවක යක්ෂ හා නාග ගෝත්‍රිකයින් අතර ඇති වූ ආරවුලක් සංසිඳවීම සඳහායි. බුදුරදුන් හමුවේ දමනය වූ තුන්බෑ ජටිලයන්, බුද්ධාගම වැළඳ ගත්තේ ද අද වැනි පොහෝ දිනකදීය.
කොටිකාවත්ත මුල්ලේරියාව ප්‍රාදේශිය සභා බල ප්‍රදේශය තුළ පමණක් කොවිඩ් ආසාදිතයන් 62 දෙදෙනෙක් වාර්තා වී ඇති බව සෞඛ්‍ය අංශ පවසයි. මොවුන්ගේ ආශිතයන් 400 ට ආසාන පිරිසක් අද පස්වරුව වනවිට හදුනාගෙන ඇති බවද එම අංශ සදහන් කරයි. ආසාදිත පිරිස අතර ගොතටුව සෞඛ්‍ය වෛද්‍ය කාර්යාලයේ සේවය කරන් පවුල් සෞඛ්‍ය සේවිකාවක් ද සිටින බව සෞඛ්‍ය අංශ කියයි.
චීනයේ නිෂ්පාදනය කරන Sinopharm කොවිඩ් එන්නත් මාත්‍රා ලක්ෂ 3 ක් ශ්‍රී ලංකාවට නොමිලේ ලබාදෙන බව කොළඹ චීන තානාපති කාර්යාලය අද නිවේදනය කළේය. තානාපති කාර්යාලය නිකුත් කල නිවේදනයේ දැක්වුණේ, පෙබරවාරි මාසයේ මැද වන විට අදාළ එන්නත් තොගය ශ්‍රී ලංකාවට ලැබෙනු ඇති බවයි. චයිනා නැෂනල් පාමසූටිකල් පුද්ගලික සමාගම නිපදවන සයිනොපාම් එන්නත රටවල් ගණනාවක තුන්වන අදියරේ පරීක්ෂණ මට්ටම…
