උතුරු කොරියාව තහනම් අන්තර් මහද්වීපිත මිසයිලයක් අත්හදා බලා ඇති බව විදෙස් මාධ්‍ය වාර්තා කරයි. කිලෝමීටර් 1,100 ක දුරක් ගමන් කර උතුරු කොරියානු නැගෙනහිර මුහුදු සීමාවට එම මිසයිලය එල්ලකර ඇත. 2017 වසරෙන් පසු උතුරු කොරියාව සිදුකළ විශාලතම මිසයිල අත්හදා බැලීම මෙයයි.
ප්‍රධාන පෙළේ වාණිජ බැංකු කිහිපයක ඇමෙරිකානු ඩොලරයට සාපේක්ෂව ශ්‍රී ලංකා රුපියල 297 අගයක් දක්වා අද (25) පහළ වැටී තිබෙනවා. ඇමෙරිකානු ඩොලරයට සාපේක්ෂව ශ්‍රී ලංකා රුපියල මෙතරම් පහළ වැටුණේ ඉතිහාසයේ ප්‍රථම වරට බවයි ආර්ථික විශ්ලේෂකයින් පවසන්නේ.
යතුරුපැදියකින් ගමන් කරමින් සිටි පුද්ගලයින් දෙදෙනෙකු කොළඹ – නුවර ප්‍රධාන මාර්ගයේ 9 කණුව අසල දි වෙඩි තබා ඝාතනය කර තිබේ. පොලිසිය පැවසුවේ තවත් යතුරු පැදියකින් පැමිණි පුද්ගලයින් දෙදෙනෙකු විසින් ඊයේ රාත්‍රී වෙඩි තැබීම සිදුකර ඇති බවය. කඩවත පොලිසිය සිද්ධිය සම්බන්ධයෙන් වැඩිදුර විමර්ශන ආරම්භ කර තිබේ.
මෙරට බැංකු පද්ධතිය ස්ථාවරව පවතින බව ජනතාවට වගකීමකින් යුතුව දැනුම් දෙන බව ශ්‍රී ලංකා මහබැංකුව නිවේදනයක් නිකුත් කරමින් සදහන් කරනවා. රාජ්‍ය බැංකුවල කටයුතු කිසිදු බාධාවකින් තොරව සාමාන්‍ය පරිදි සිදු කෙරෙන බවයි ශ්‍රී ලංකා මහබැංකුව අවධාරණය කරන්නේ.
සමාජ මාධ්‍ය ජාලා තහනමට ලක්ව සිටින හිටපු ඇමෙරිකා ජනාධිපති ඩොනල්ඩ් ට‍්‍රම්ප් නවතම සමාජ ජාලා යෙදවුමක් හදුන්වා දුන්නා. ටෘෘත් සෝෂල් (truth social) ලෙස නම්කර ඇති මෙම යෙදවුම හිටපු ජනාධිපති ඩොනල්ඩ් ට්‍රම්ප්ට අයත් සමාජ මාධ්‍ය ජාලයක්. නව යෙදවුම දැනට භාවිතයේ ඇති ට්විටර් සමාජ මාධ්‍ය ජාලයට සමාන බවයි සමාජ මාධ්‍ය ජාලා විශ්ලේෂකයින් පවසන්නේ. කෙසේ වුවද එහි ගිණුමක් නිර්මාණය…
පවතින ගෑස් හිගයට විසදුමක් ලෙස දෛනිකව ගෑස් සිලින්ඩර් එක්ලක්ෂ විසි දහසක් වෙළදපොලට නිකුත් කිරීමට කටයුතු කළ බව ලිට්‍රෝ ගෑස් සමාගම දැනුම් දෙනවා. ප්‍රමාණවත් ගෑස් සංචිත මේ වන විට පවතින බැවින් දින කිහිපයකින් ගෑස් හිගය සම්පූර්ණයෙන්ම අවසන් වන බවයි ලිට්‍රෝ සමාගම පවසන්නේ. ලාෆ් ගෑස් ද මේ වන විට වෙළදපොලට නිකුත් කෙරෙමින් පවතිනවා.
අද (25) දිනයේ විදුලි කප්පාදුව සිදුවන ආකාරය මහජන උපයෝගීතා කොමිසම දන්වයි ඒ් අනුව විදුලි කප්පාදුව සිදුවන්නේ මෙසේය. P,Q,R,S,T,U,V,W පෙරවරු 08.30 සිට පස්වරු 05.30 දක්වා පැය 4යි මිනිත්තු 30ක් සහ පස්වරු 5.30 සිට රාත්‍රී 11.00 දක්වා පැයයි විනාඩි 40ක්. A,B,C,D,E,F,G,H,I,J,K,L කලාප –පෙරවරු 08.00 සිට පස්වරු 06.00 දක්වා කාලයේදී පැය 3යි මිනිත්තු 20ක් හා පස්වරු 6.00 සිට…
