ගාල්ල ධිවර වරායේදි හදිසියේ රෝගිවිමෙන්  මියගිය ධිවරයාට හෘදයාබාධයක්

ගාල්ල ධිවර වරාය  පරිශ්‍රයතුලදි  හදිසියේ රෝගිවිමෙන්  මියගිය ධිවර කාර්මිකයාගේ මරණය වි ඇත්තේ හෘදයාබාධයකින් බැව්   පශ්චාත් මරණ පරික්ෂණයේ දි  අනාවරණය වි ඇත.

මිය ගිය ධිවර කාර්මිකයාගේ පශ්චාත් මරණ පරික්ෂණය ගාල්ල කරාපිටිය ශික්ෂණ රෝහලේ විශේෂඥ අධිකරණ වෛද්‍ය නිලධාරි  රෝහාන් රුවන්පුර මහතා විසින් කරණු ලැබිය.  හදිසි මරණ පරික්ෂණය ගාල්ල නාගරික හදිසි මරණ පරික්ෂක වෛද්‍ය බි.ජි.එන් කරුණාතිලක මහතා විසින් කරාපිටිය රෝහලේ දි සිදුකරණු ලැබිය.

මෙකි පුද්ගලයා ඉකුත් (23)වනදින  දහවල් ගාල්ල ධිවර වරාය පරිශ්‍රයතුලදි හදිසියේ රෝගිවිමෙන් ගාල්ල කරාපිටිය ශික්ෂණ රෝහලට ඇතුලත්  කරණු ලැබිය. රෝහලේ  හදිසි ප්‍රථිකාර ඒකකයේ දි මොහු මියගොස් ඇත.  කරාපිටිය රෝහලේදි මෙකි පුද්ගලයාගේ ජෛව  සාම්පල් පි. සි.ආර් පරික්ෂණ සදහා ලබාගෙන ඇති අතර   පෙරේදා (24) ලැබුණු පි.සි.ආර්. පරික්ෂන වාර්තා අනුව මොහුට කොරෝනා වෛරසය ආසාදනය වි නොමැති බවට තහවුරුවි ඇති බැව් ගාල්ල නාගරික හදිසිමරණ පරික්ෂක වෛද්‍ය  බි.ජි.එන් කරුණාතිලක මහතා පවසයි.

මියගොස් ඇත්තේ අක්මිමන  බක්මිගහඕවිටවත්ත හිරළුගොඩ බටදුව  ප්‍රදේශයේ පදිංචි ආඩවත්ත කන්කානම්ගේ නිහාල් නැමති (61)දෙදරුපියෙකි.කළුආරච්චිගේ වසන්ත චන්ද්‍රකුමාර  (52) නැමැත්තා හදිසි මරණ පරික්ෂණයේ දි සාක්ෂිදෙමින් මෙසේ කිවේය.

මියගිය ආඩවත්ත කන්කානම්ගේ නිහාල් යන අය මා සමග ධිවර වරායේ සේවය කළ සේවකයෙකි. ඔහුට දරුවන් දෙදෙනෙකු ඉන්නවා. 23වැනිදන වැඩට ආවා. ගාල්ල ධිවර වරායේ පි.සි.ආර්. පරික්ෂණ 22 වැනිදින කරලා තිබුනා.ඉන් පස්දෙනෙකු කොරෝනා වෛරසය ආසාදනය වි ඇති බව දැනගන්නට ලැබුනා. පසුව නම් ලියාගෙන ධිවර වරායෙන් එළියට දැම්මා එතන කලබලයක් තිබුනා. ඒ අතරතුර නිහාල් ගෙට්ටුව ළග වැටුනා. පසුව ඔහු රෝහල්ගත කිරිමට කටයුතු කළා.

මියගිය අයගේ බිරිදවන කෙලම්බි ආරච්ච්ගේ කමලාජයන්ති නැමැත්තිය ද සාක්ෂි ලබාදුන්නාය. ඉදිරිපත් වු සාක්ෂි හා වෛද්‍ය වාර්තා සැලකිල්ලට ගත්මරණ පරික්ෂණය  හෘදයාබාධයකින් මරණය වි ඇති බවට තින්දු කළේය.

බෝගහගොඩ ඒ.ඩබ්ලිව්. ඒ නිමල්,හිනිදුම රවින්ද්‍ර චන්ද්‍රලාල්,හබරාදුව ඒ.ඇල් ඒ ආරියරත්න,ඉමදුව කුමාර කොඩිතුවක්කු