මේ වන විට ජාත්‍යන්තර ක්රිකට් පිටියට සමුදී සිටින 40 හැවිරිදි සහිඞ් අෆ්රීඩි නියමිත දිනට පැමිණීමට අපේක්ෂාවෙන් පසු වුවත් ඔහුට ගුවන් යානය මගහැරී ඇත. ඒ සම්බන්ධයෙන් කනගාටු නොවන ලෙසත් ඉතාමත් ඉක්මින් ගාල්ල ගැලැඩියේටර්ස් කණ්ඩායම සමග එක්වන බවත් අෆ්රීඩි සඳහන් කර තිබේ.
ගාල්ල කණ්ඩායමේ ප‍්‍රධානතම විදෙස් ක‍්‍රීඩකයා වශයෙන් සහිඞ් අෆ්රීඩිව නම් කළ අතර එහි දේශීය ප‍්‍රධානතම ක‍්‍රීඩකයා වූ ලසිත් මාලිංග තරගාවලියෙන් ඉවත් විය. එ අනුව පළමු තරග දෙකේදී ගාල්ල කණ්ඩායම මෙහෙයවීමේ වගකීම ආරම්භක පිතිකරු ධනුෂ්ක ගුණතිලකට පැවරීමට නියමිතව තිබේ.
සහිඞ් අෆ්රීඩි අද (25 දා) දිනයේදී ශ්රී ලංකාවට පැමිණ හම්බන්තොට බලා පිටත්ව යෑමට නියමිත අතර එහිදී ඔහු දින හතක නිරෝධායනයකට යටත් විය යුතුවේ. එම කාලසීමාවේදී පළමු වටයේදී යාපනය සහ කොළඹ කණ්ඩායම සමග ලබන 27 සහ 28 දිනවල පැවැත්වෙන තරග දෙක අෆ්රීඩිට මග හැරෙනු ඇත.
