කොවිඩ් 19 වෛරසය මර්දනය කිරිම අද මෙරට සෞඛ්‍ය අංශයට ඇති ප්‍රබල අභියෝගයකි. ඒ් අභියෝගය ජය ගැනිම සඳහා සෞඛ්‍ය අංශය ආරක්ෂක අංශය ඒක්ව දැඩි කැපවිමකින් ක්‍රියා කරමින් සිටියි.
නමුත් මේ නොපෙනන සතුරා විනාශ කිරිම යුද්ධයකයකට මුහුණ දෙනවා මෙන් නොවේය. ඒය අවස්ථානුකූලව, නිවැරදි තීන්දු තිරණ ගත යුතු මෙහෙයුමකි.
මේ මෙහෙයුමේදි අප නොසිතන ඒක් ඇසිල්ලකින් පවා පුද්ගලයෙකුගේ ජිවිත උඩියටිකුරු විය හැකිය. කොවිඩ් ආසාදිත පුද්ගලයෙකුගේ සිටම නිරෝධායනය සඳහා ගෙන යන පුද්ගලයින් දක්වාම ඒ් සම්බන්ධයෙන් කටයුතු කරන අදාල බලධාරින් වගවිමකින් කටයුතු කළ යුතුව ඇත.
නමුත් ඒය ඒසේ වී නොමැති බවට කැළණියේ මවක් චෝදනා කර සිටියි. ඒ් ඇයගේ නිරෝධායන ක්‍රියාවලිය නිසා හයමස් ගැබ අහිමි වි යාම නිසාය.
කැළණිය, පෙතියාගොඩ පදිංචි කවීෂා මධුෂාණි 21 හැවිරිදිය. ඇගේ සැමියා වුයේ 21 හැවිරිදි චතුර සමීරය. ඔහු පෑලියගොඩ මත්ස්‍ය වෙළඳපොලේ සේවය කළ අයෙකි.
කවීෂා පවසන්නේ සිය සැමියා පහුගිය ඔක්තෝම්බර් මස 21 දා පි.සි.ආර් පරික්ෂණයකට ලක් කළ බවත් 22 දා පැමිණි ප්‍රතිඵලයෙන් ඔහුට කොවිඩ් ආසාදිත වි ඇති බව තහවුරු වු බවත්ය.
ඒ් අනුව චතුර සමිරව මඩකලපුව නිරෝධායන මධ්‍යස්ථානයක් වෙත ගෙන ගොස් ඇති අතර පෙතියාගොඩ භාර මහජන සෞඛ්‍ය පරික්ෂකවරයා පැමිණ කවිෂාටත්, නිවසේ අයටත් දන්වා ඇත්තේ නිවසට වී නිරෝධායනය වන ලෙසය.
නමුත් ඔක්තෝම්බර් 24 දා පොලිසියෙන් පැමිණ පවසා ඇත්තේ නිරෝධායන මධ්‍යස්ථානයකට යාමට සුදානම් වන ලෙසය.
ඒහිදි කවීෂා පවසා ඇත්තේ තමන් හය මස් ගැබිණියක් බවත්, තමන්ට යාමට අපහසු බවත්ය. මෙහිදි ප්‍රදේශය භාර මහජන සෞඛ්‍ය පරික්ෂකවරයාවද දුරකථනයෙන් සම්බන්ධ කරගෙන ඇති අතර ඔහුද පවසා ඇත්තේ මෙම පිරිස දැනටමත් නිවසේ නිරෝධායනය වන හෙයින් රැගෙන නොයන ලෙසටය.
නමුත් ඒදිනම සවස 4.30 ට පමණ පැමිණි යුද හමුදා නිලධාරින් පිරිසක් කවිෂාවත්, ඇගේ මව, පියා, ස‌හෝදරයා හා නෑණාව වේයන්ගොඩට රැගෙන ගොස් ඇත.
ඒතැන් සිට වෙනත් බසයකින් බණ්ඩාරවෙලට ගෙන ගොස් ඇති අතර ඒහිදි වරින් වර කවිෂාට සිදු වු විවිධ අපහසුතා නිසා බස් රථය අතරමඟ නැවැත්විමට සිදු වු බවද කවිෂා පවසයි.
බණ්ඩාරවෙල විද්‍යා පිඨයේ නිරෝධායන මධ්‍යස්ථානයට රැගෙන ගොස් ඇති කවිෂා ඇතුලු පවුලේ අයට ඒහි දින 14 ක් නිරෝධායනය විමට සිදුව ඇත.
කවිෂා පවසන්නේ ඒහිදි තමන්ට ගැබිණියක් බව නොසලකා ඒහි නිලධාරින් කටයුතු කළ බවය. කෙසේ හෝ අපහසුවෙන් ඒම කාලය ගෙවා දමා ඇති ඇය නිරෝධායන ක්‍රියාවලිය අවසන් කර පහුගිය නොවැම්බර් 06 දා නිවසට පැමිණ ඇත. 08 දා ඇයට රුධිර වහනය වි ඇති අතර 09 දා සිදු කළ වෛද්‍ය පරික්ෂයෙන් හෙළි වි ඇත්තේ දරුවා කුස තුල මිය ගොස් ඇති බවය.
ඊට හේතුව ලෙස වෛද්‍යවරු සඳහන් කර ඇත්තේ අධික කම්පනය/ ගැස්සිම බව කවිෂා පවසයි. තම කුලුඳුල් දරුවා මිය යාම සම්බන්ධයෙන් මේ වන විට කවිෂාත්, චතුරත් පසුවන්නේ දැඩි සිත් තැවුලෙනි. චතුරද නිරෝධායන ක්‍රියාවලිය නිමවිමෙන් පසු නොවැම්බර් 09 දා නිවසට පැමිණ ඇත.
මේ සම්බන්ධයෙන් ආරක්ෂක අමාත්‍යාංශයට දැන් වු විට ඒහි නිලධාරින් , අපට බොහොම කණගාටුයි කියා දුරකථනය විසන්ධි කළ බව කවිෂාගේ සැමියා පවසයි.
ඔහු විමසන්නේ තමන්ට සිදු වු අසාධාරණයට කවුරුන්ද වග කියන්නේ කියාය. තමන්ට යළි දරුවා නොලැබෙන බවත් නමුත් මෙවන් සිදුවිමක් යළි ඉදිරිදියේදි සිදු නොවන්නට මේ සම්බන්ධයෙන් සාධාරණ පරික්ෂණයක් පවත්වන ලෙසත් ඔහු රජයෙන් ඉල්ලා සිටියි.
උපුල් ආනන්ද
