උතුරු මැද පළාත් ආණ්ඩුකාරවරයාගේ අත්තනෝමතික දියාරු ක්‍රියා කළාපයන් නිසා පසුගිය සමයේ ආණ්ඩුව වෙනුවෙන් දර දිය ඇදි ශ්රී ලංකා පොදුජන පෙරමුණේ ප්‍රබලයන් දැඩි කනස්සලකින් පසුවන බව උතුරු මැද පළාත් මාර් ග සංවර් ධන අධිකාරියේ හිටපු සභාපති දර් ශන අනුරුද්ධ නානායක්කාර මහතා පවසයි.
හිටපු සභාපතිවරයාට හා අධ්‍යක්ෂ මණ්ඩලයට ආණ්ඩුකාරවරයා විසින් පුවත්පත් යොදාගෙන මඩ ප්‍රහාර එල්ල කිරීම සම්බන්ධයෙන් මාධ්‍ය හමුවක් පවත්වමින් ඒ මහතා මේ බව පැවසුවේය.එහිදි වැඩිදුරටත් කථා කළ හිටපු සභාපති දර් ශන අනුරුද්ධ නානායක්කාර මහතා.
පළාත් මාර් ග සංවර් ධන අධිකාරියේ හිටපු මා ඇතුළු පිරිස ඉවත්කරේ දූෂණ චෝදනා තියනවා කියලා.ආණ්ඩුකාරවරයා හරියට කන වැද්දුම් කාන්තාවක් වගේ තැන තැන මිනිස්සුන්ට චෝදනා කරමින් කියව කියව යනවා.එතුමා පළාතේ බලවතා විදියට කශේරුකාව කෙලින් තියාගෙන වැඩ කරන්න ඕන.අපි කරලා තියන වංචා දූෂණ සියල්ලම එළියට දාන්න.අපිට දඩුවම් දෙන්න.මම ගත්ත කෝටිතුනත් කොහොමද ගත්තේ කොහෙද තියෙන්නේ කියලා පෙන්වන්න කියලා අභියෝග කරනවා.
පළාත් මාර් ග සංවර් ධන අධිකාරිය හරි අතට ගේනකොට එතුමාට ඕන වුනේ ඒක වෙනදා වගේම හොර ගුහාවක් බවට පත්කරන්න. සාධාරණ විගණන පරික්ෂණයක් සදහා සියළු කටයුතු සූදානම් වෙලා තියෙද්දි එතුමා හොරුන් රැක ගන්න ඉතා සූක්ෂමව ආයතනයට නොවැම්බර් 15දා සීල් තියනවා.ආයතනයට සීල් තියන්න මොකද්ද හේතුව.වංචා රැසකට සම්බන්ධ සාමාන්‍යාධිකාරිවරයා රැකගන්න තමයි ඔහුට අවශ්‍යව තියෙන්නේ.
සාමාන්‍යාධිකාරවරයා තීරුබදු වංචාවක් සිදුකරලා තියනවා කියලා රේගු අධ්‍යක්ෂවරයා පවා සනාථ කරද්දි එතුමාගේ ඊනීයා පරික්ෂණ මණ්ඩලය ඒක නෑ කියනවා.ඒ මණ්ඩගයේ ඉන්න හොරු ටික නිවැරදි මිනිස්සුන්ට බොරුවට මඩ ප්‍රහාර එල්ල කරනවා.වැරදි කරලා තියනවා නම් ඔප්පු කරලා පෙන්වන්න ඕන.එතුමාගේ අක්‍රමිකතා දූෂණ මම පෙන්වන්නම්.සබරගමුවේ සමූපාකාරයෙන් මට පටන්ගන්න පුළුවන් නමුත් නවත්තන තැන කොතනද කියලා එතුමාට හිතා ගන්න බැරිවෙයි.නිහඩව අපි ඉන්නකොට එතුමා කාඩ් බෝඩ් වීරයෙක් බවට පත්වෙන්න හදනවා.
අපි ජනාධිපතුමාට කියන්නේ මෙතුමා පසුගිය සමයේ මේ ආණ්ඩුව වෙනුවෙන් මහා බරක් ඇදපු ශ්රී ලංකා පොදුජන පෙරමුණු පාක්ෂිකයෝ විශාල පිරිසකට අද පක්ෂය එපා කරවලා තියනවා.හොදම උදාහරණය තමයි රඹෑව ප්‍රාදේශිය සභාවේ සභාපතිවරයා එතුමාට බොරු චෝදනා දාලා එතුමාව පුටුවෙන් එළෙව්වා.එතුමා පක්ෂය වෙනුවෙන් පහුගිය කාලයේ මොනවද නොකලේ.උතුරු මැද පළාතේ හතර කොන දන්නේ නැති පැරෂුට්කාරයෙක් අද පක්ෂය විනාශ කරනවා.
ස්වාධිනව අකුරට රාජකාරි කරන රාජ්‍ය නිලධාරින්ට පළාතේ රාජකාරි එපා කරවනවා.දේශපාලනය කරන පක්ෂය වෙනුවෙන් ඇපකැප වෙලා ඉන්න මිනිස්සුන්ට පක්ෂය එපා කරවනවා.එතුමා කාගේ කොන්ත්‍රාත්තුවක්ද මේ ගෙනියන්නේ කියලා ලොකු සැකයක් තියනවා යනුවෙන් ඒ මහතා පැවසුවේය.
අනුරාධපුර මධ්‍යම විශේෂ – බී.එම්.විජේසුරිය
