කොවිඩ් 19 වෛයිරසය මර්ධනය කිරීම සදහා ඉන්දියාවේ සිට මෙරටට ආනයනය කළ ඇස්ට්‍රාසෙනිකා එන්නත කොවිඩ් නිවාරණය සදහා සටන් වදින මුල්පෙල පිරිසට ලබාදිමෙන් පසුව ත්‍රෛයිනිකායික මහා සංඝරත්නයට හා අන්‍ය පූජක ප්‍රසාදීන්වහන්සේලාට දෙවැනි වටයේදි ලබාදිමට රජය පියවර ගතයුතු බව මිහින්තලා රජමහා විහාරාධිපති ආචාර්ය පූජ්‍ය වලවාහැංගුණවැවේ ධම්මරථන නාහිමිපානන් අනුසාශනාවක් කරමින් පැවසුහ.
මේ රටේ සෑම ව්‍යසනයකදිම පෙරමුණ ගෙන සටන් කරනා ත්‍රීවිධ හමුදාව පොලිසිය මෙන්ම වසංගතයේදි සිය ජීවිත දෙවැනිකර සේවයේ නියුතුව සිටින සෞඛ්‍ය අංශවල සියළු දෙනා හට මුල්ම එන්නත ලබාදීමට රජය කටයුතු කිරීම ප්‍රසංසනීය බව නාහිමිපානන් පැවසුහ.
මෙරටට ආනයනකර තිබෙන ඇස්ට්‍රාසෙනිකා කොවිඩ් 19 මර්ධන එන්නත මහා සංඝරත්නයට ලබාදෙිමේ ඇති වැදගත්කම පිළිබව අනුශාෂනාකල නාහිමිපානන්.මුලින්ම මේ එන්නත මෙරටට මාත්‍රා ලක්ෂ පහක් ගෙන්වා ගැනීමට කටයුතු කළ ජනාධිපති ගෝඨාභය රාජපක්ෂ මහින්ද රාජපක්ෂ මහත්වරුන් ප්‍රමුඛ රජයට සමස්ත රටවැසියන්ම ස්තුතිවන්ත විය යුතුයි.
ඒ වගේම සෞඛ්‍ය අංශ වලය ත්‍රිවිධ හමුදාවට පොලිසියට මුල්ම වටයෙන් එන්නත් ලබාදීමත් අගය කළ යුතුයි.ඔවුන් අපි වෙනුවෙන් විශාල කැපවීමක් කරනවා.නමුත් මහා සංඝරත්නය හා අන්‍ය ආගමික පූජකතුමන්ලා පිළිබදව අවධානයක් යොමුවුනාද නැද්ද කියන කාරනය මා හරියට දන්නෑ.
නමුත් ආගමික නායකයින් සිදුකරනා කාර්ය භාර්ය රජය හොදින්ම වටහාගෙන සංඝරත්නයට හා අන්‍ය පූජකතුමන්ලට දෙවැනි වටයේදි එන්නත අනිවාර් යෙන්ම ලබාදිය යුතුයි.
මොකද කිසිදු වැටුපක් නොලබමින් ජනතාවගේ සුබ සිද්ධිය වෙනුවෙන් මහා සංඝරත්නය හින්දු මුස්ලිම් ක්‍රිස්තියානී පූජකතුමන්ලා කටයුතු කරනවා.මහා සංඝරත්නය අන්‍ය ආගමික පූජකතුමන්ලා කියන්නේ සෑම කටයුත්තකටම අනිවාර්යෙන්ම සහභාගිවෙන පිරිසක්. අපට කොරෝනා කියලා සමාජ වගකිමෙන් බැහැරවෙලා කටයුතු කරන්න බෑ.
අපිට කොරෝනා කියලා පන්සලට එන ජනතාවට එන්න එපා කියන්න බෑ.අවමගුලට පාංශු කූලයට පිරිත් නූලක් බැදගන්න එන කෙනෙකු ඒවා කරන්නෑ කියලා හරවා යවන්න බෑ.
රජා දුගියා මගියා ඇතුළු ඕනම කෙනෙකු අපි පිළිගන්නවා.ඒ නිසා මේ වෛරසයෙන් බලපෑම් එල්ලවන අය අතරේ මහා සංඝරත්නය ප්‍රමුඛ අන්‍ය පූජක ප්‍රසාදීනුත් ඉදිරියෙන්ම ඉන්නවා.ඒ නිසා රජය ඊළග වටයේ එන්නත් ලබාදිමේදි මේ පිළිබදව අවධානය අනිවාර්යෙන්ම අවධානය කළයුතු බව නාහිමිපානන් පැවසුහ.
අනුරාධපුර – මහේෂ් විජේසුරිය
