මත්කුඩු භාවිතා කර රිය පදවන්නන් හඳුනාගත හැකි උපකරණ ද ඉදිරියේදී පොලීසියට ලබාදෙන බව මහජන ආරක්‍ෂක අමාත්‍ය, රියර් අද්මිරාල් (විශ්‍රාමික) ආචාර්ය සරත් වීරසේකර මහතා පවසයි.
යම් අයකු මත්කුඩු භාවිතා කර ඇත්ද යන්න එම උපකරණ යොදාගෙන කෙල සාම්පලයක් මගින් විනාඩි 15ක් 20ක් වැනි කාලයදී හඳුනාගත හැකි බව ද ඇමතිවරයා සඳහන් කරයි.
මෙම උපකරණ මගින් දින තුනක් හෝ ඊට අඩු කාලයක් තුළ මත්කුඩු ලබාගෙන ඇති අය හඳුනාගෙන ඇතැයි කී ඇමතිවරයා රිය අනතුරු හේතුවෙන් සිදුවන මරණවලින් විශාල ප්‍රමාණයකට මත්කුඩු භාවිතය හේතු වී ඇතත් ඒවා භාවිතා කරන්නන් හඳුනාගත හැකි උපකරණ මෙරට නොතිබූ බව කියයි.
