චීනයේ පැතිර යන දැවැන්ත කොරෝනා රැල්ල හේතුවෙන් අසල්වැසි ඉන්දියාව නැවත කොරෝනා මර්දන නීති ක්‍රියාත්මක කිරීමට පියවර ගෙන ඇතත් තවමත් මෙරටට එවැනි අනතුරු ඇඟවීමක් නිකුත් කිරීමට සෞඛ්‍ය අමාත්‍යාංශය විසින් නිල මට්ටමින් පියවර ගෙන නොමැති බව වසංගත රෝග අංශ පවසයි.
කෙසේ වුවද චීනයේ හටගෙන ඇති තත්ත්වය සැලකිල්ලට ගනිමින් මෙරට මහජනතාවද සිය දෛනික කාර්යයන් ඉටු කර ගැනීමේදී කොරෝනා මර්දන නීති රීතිවලට අනුව කටයුතු කිරීම සඳහා ස්වයං පාලනයක් ඇති කරගැනීම වැදගත් බව එම අංශ පෙන්වා දෙයි. මෙම උත්සව සමයේ බොහෝ පිරිස් සිටින ස්ථානවලට යෑමේදී තම ආරක්ෂාව පිළිබඳව සැලකිලිමත් විය යුතු බවද එම අංශ සඳහන් කරයි.
