නීතිය දුප්පත් අසරණ මිනිස්සුන්ට විතරද? – පූජ්‍ය බත්තරමුල්ලේ සීලරතන හිමි

මේ වන විට අපේ රටේ එක රටක් එක නීතියක් කියන එක ක්‍රියාත්මක වෙන්නෙ දුප්පත් අසරණ මිනිස්සුන්ට විතරයි. පොහොසත් ඇතිහැකි කියන පිරිස නීතියේ ඇහැට වැළිගහලා හරි මුදල් වියදම් කරලා හරි නීතියෙන් බේරීලා ඉන්නවා යැයි ජනසෙත පෙරමුණේ නායක පූජ්‍ය බත්තරමුල්ලේ සීලරතන හිමිපාණන් වහන්සේ කොළඹ දී පැවති මාධ්‍ය හමුවකදී පැවසීය.

බුදුදහමට අපහාස වන අන්දමේ දේශනයක් සිදුකිරීම සම්බන්ධයෙන් අපක්ෂපාතී පරීක්ෂණයක් ඉල්ලා කොළඹ අපරාධ පරීක්ෂණ දෙපාර්තමේන්තුව වෙත යොමුකල ලිපියට දින 21ගතවී ඇතත් මෙතෙක් විමර්ශන යක් සිදු නොකිරීම සම්බන්ධයෙන් කරුණු විමසා උන්වහන්සේ 26 වනදා යලිත් ලිපියක් භාරදී ඇත.
එහිදී උන්වහන්සේ මෙසේද පැවසීය.

නතාෂට බෲනෝට හරිම කඩිනමින් නීතිය ක්‍රියාත්මක කලා.අද නතාෂා හිරබත් කනවා.මොනම ආගමකට වත් අපහාස නොකල යුතුයි.සිද්ධාර්ථ කුමාරයා කියන්නෙ එම්ප්‍රදෝරු රජකම එපා කියලා විමුක්තිය මාර්ගය සොයා ගිය උතුම් පුද්ගලයෙක් වගත් ලොව පුරා වෙසෙන බෞද්ධයන් මෙවැනි අපහාස කිරීම් පිලිබදව අන්තර්ජාල ඔස්සේ නරඹා පිලිකුලෙන් හෙලා දකින බවත් උන්වහන්සේ මෙහිදී පැවසීය .

අපේ රටේ ඕනෑම අපරාධයක් කරලා ටික කලකින් ඒක කාලයේ වැලිතලාව කියන එකට යට කරනවා.මේ කතාවටත් ඒක එහෙම වෙන්න දෙන්න බැහැ.බැදුම්කර මංකොල්ලය මහදවල් කරපු මහා මංකොල්ලය ඒක තමයි මේ රටේ ආර්ථිකය කඩාවැටුණු පලවෙනි වෙඩිමුරය.දැන් කව්ද මේ ගැන කතා කරන්නෙ.බලයටයි නිලයටයි මුදලටයි පුළුවන් රටේ නීතිය මංදගාමී කරන්න. දුප්පත් අසරන අහිංසකයෙක් පොල් ගෙඩියක් අඹ ගෙඩියක් වත්තකින් හොරෙන් කැඩුවොත් මිනිහා දාහතර දවසක් හිරේදාලා දඩත් ගහලා නඩුත් දානවා.මේ රටේ මෙතෙක් සිද්ධ උනු වංචා දූෂණ හොරකම් මේ එකකට වත් නීතියේ සාධාරණය ඉෂ්ඨ උනාද.නෑ ඒවා මංදගාමී උන එක විතරයි අපි දැක්කේ.මේ වෙනකොට පහුගිය කාලේ සිද්ධ සීනිබදු වංචාව සුදුළූණු වංචාව බැදුම්කරය වගේම පාසල් දරුවන්ට බෙදා දෙන්න ගෙනැවිත් පුස් කන ටැබ් මැෂිං ගැනත් කෝප් කමිටුවෙදි හෙළිවෙන හැටි මේවා භාරව හිටපු ලොක්කන්ගෙ පටි ජනමාධ්‍ය ඉදිරියේගැලවෙන හැටි අපි දැක්කා.ඇත්තටම කෝප් කෝපා කමිටුවලට ස්තුති වන්ත විය යුතුයි මෙවැනි ආන්දෝලනාත්මක පුවත් සැඟවී යාමට නොදී රටේ බදු ගෙවන ජනතාවට හෙළිකරනවට.ඉතිං මහා පුදුම යක් කියන්නෙ මේ කමිටුවල ඉන්නෙත්.මේ මැති ඇමතිවරු පාර්ලිමේන්තුවේ දීත් මේ විදියටම නිර්භීතව ක්‍රියා කලා නම් අපේරට අද මේ වගේ අගාධයකට වැටෙයිද කියලයි මට තිබෙන ගැටළුව.

කෙසේ නමුත් එක රටක් එක නීතියක් යන තේමාවට අපේ රට පරිවර්තන කල යුතුව ඇති බව රටවැසියන් එක හඩින් පවසන්නේ යැයි සීලරතණ හිමිපාණන් වහන්සේ පැවසීය.

කැලණිය කුසුම් එස් හැන්නදි