හැටන් කොළඹ ප්‍රධාන මාර්ගයේ කඩවල ප්‍රදේශයේදි ත්‍රිරෝද රථයක් මාර්ගයෙන් ඉවතට පැන පෙරලිමෙන් එහි ගමන් ගත් භික්ෂුන් වහන්සේනමක් ඇතුළු තිදෙනකු තුවාල ලබා නාවලපිටිය මුලීක රෝහලට ඇතුලත් කිරිමට පියවර ගෙන ඇත.
මේ පිලිබදව කරන ලද විමසිමකදි අදහස් දැක්වු ගිනිගත්හේන පොලිසියේ නිලධාරියකු පවසන ලද්දේ මස්කෙළිය ප්‍රදේශයේ සිට අම්පාර දක්වා ධාවනය වෙමින් තිබු ත්‍රිරෝද රථයක් 03වන දින සවස් කාලයේ කඩවල විදුහලට පහාල ප්‍රදේශයේදි මාර්ගයෙන් ඉවතට පැන පෙරලී ඇති බවත්ය.
අනතුර සිදුවන අවස්ථාවේදි එම ත්‍රිරෝද රථයේ රියදුරු සමග භික්ෂුන් වහන්සේ නමක් හා තවත් පුද්ගලයකුද ගමන් කර ඇති බවත් එම අනතුරින් පසුව තුවාල ලබා සිටි එම තිදෙනාම ප්‍රථිකාර සදහා නාවලපිටිය මුලීක රෝහලට ඇතුලත් කිරිමට පියවර ගත් බවත්ය.
මෙම අනතුර පිලිබදව ගිනිගත්හේන පොලිසිය වැඩි දුර පරික්ෂන ආරම්භ කර ඇති බවද එම නිලධාරියා වැඩි දුරටත් පවසන ලදි.
මනුර සුදත් සෙල්ලහේවා – හැටන්
