ක්‍රීඩා සංවර්ධන දෙපාර්තමේන්තුවේ ප්‍රතිපාදනවලින් ඉදිකර වසර 4ක කාලයක් තිස්සේ වසාදමා තිබූ ගම්පහ වතුපිටිවල පිහිනුම් තටාකය ක්‍රමවත් වැඩපිළිවෙළක් යටතේ ජනතා අයිතිය වෙත ලබාදීමට ක්‍රීඩා ඇමැති හරීන් ප්‍රනාන්දු මහතාගේ උපදෙස් පරිදි ක්‍රීඩා අධ්‍යක්ෂ ජනරාල් රියර් අද්මිරාල් මහාචාර්ය ෂේමාල් ප්‍රනාන්දු මහතා විසින් කටයුතු කර ඇත.
ඒ අනුව රුපියල් මිලියන 40ක වියදමින් පිහිනුම් තටාකය නැවත ප්‍රතිසංස්කරණය කොට වහාම ක්‍රියාත්මකවන පරිදි පාසල් දරුවන්ට හා වැඩිහිටියන් වෙනුවෙන් විවෘතව තැබීමට මෙම වැඩපිළිවෙළ සකසා තිබේ.
ගම්පහ දිස්ත්‍රික් ක්‍රීඩා සංවර්ධන නිලධාරී මඟින් ගම්පහ වතුපිටිවල පිහිනුම් තටාකය පවත්වාගෙන යෑම ඊයේ (22) සිට ආරම්භ වූ අතර, පාසල් ක්‍රීඩක ක්‍රීඩිකාවන් වෙනුවෙන් හා වැඩිහිටියන් වෙනුවෙන් සහනදායී අයකිරීම් මත මෙය ක්‍රියාත්මක කෙරේ.
