නුවරඑළිය දිස්ත්‍රික්කය තුල පවතින දැඩි මන්දපෝෂණ තත්වයන් දුරලිම සදහා මෙහි ජනතාවගේ ආර්ථිකය ශක්තිමත් කරන්නාසේම අධ්‍යපාන මට්ටමද ඉහල දැමිය යුතු බව ජාතිත ජනබල වේගයේ නුවරඑළිය දිස්ත්‍රික් අපෙක්ෂක වෛද්‍ය ආරුමුගම් ජෙයරාජන් මහතා පවසයි.
හැටන්හි පිහිටි ඒ මහතාගේ නිවසේදි මාධ්‍ය වෙත මේ බව පැවසු වෛද්‍ය ආරුමුගම් ජේයරාජන් මහතා එහිදි වැඩි දුරටත් මෙසේද පවසන ලදි.
පසු ගිය කාලයේදි මෙම දිස්ත්‍රික්කයෙන් පාර්ලීමේන්තුවට තේරි පත්වු සමහර දේශපාලකයන් මේ ප්‍රදේශයේ ජනතාවගේ අවශ්‍යතාවයන් පිලිබදව නිසි අවදානයක් යොමු කර නැහැ.
එම තත්වයන් මත අද වන විට මේ නුවරඑළිය දිස්ත්‍රික්කයේ සමහර වතුවල සමහර ගම්මානවල නිසි ලෙස මාර්ග පහසුකම්, සෞඛ්‍ය පහසුකම්, අධ්‍යාපක පහසුකම් ඉතාමත් අවම මට්ටමකයි පවතින්නේ එම තත්වයන් මත ලංකාවේ අනිකුත් පලාත් සමග සංසන්දනය කරන විට මේ නුවරඑළිය දිස්ත්‍රික්කය තුල පවතින්නේ ඉතාමඅඩු පහසුකම්.
එමෙන්ම මේ වන විට නුවරඑළිය දිස්ත්‍රිකය තුල මන්දපෝෂන තත්වයන් වැඩි වශයෙන් පවතිනවා එමෙන්ම අඩුබර දරු උපත්ද මෙම දිස්ත්‍රිකයේ වැඩියි මම වසර 15 පමන කාලයක් වෛද්‍යවරයකු ලෙස මෙම ප්‍රදේශයේ සේවය කරපු නිසා මේ බව මම දන්නවා මෙම තත්වයන් වෙනස් කිරිමට අවශ්‍ය උපදෙස් අපි නිතර නිතර ලබා දුන්නත් මෙම දිස්ත්‍රික්කයේ වීශේෂයෙන් වතුකරයේ ජනතාව තුල පවතින ආර්ථික තත්වයන් මත එම දරුවන්ට ගර්භනි මවුවරුන්ට අවශ්‍ය පෝෂදායක ආහාර ලබා දිමට නොහැකි තත්වයක් පවතිනවා.
මෙම තත්වයන් වෙනස් කිරිමට නම් මේ ජනතාවගේආර්ථික තත්වයන් වර්දනය කල යුතුයි එමෙන්ම ලබා දෙන සෞඛ්‍ය උපදෙස් හෝ ජිවිතය ගොඩ නගාගැනිමට ලබා දෙන වෙනත් උපදෙස් පිලිබදව දැනුවත් වෙන ආකාරයට මේ අයගේ අධ්‍යාපන තත්වයන් නගා සිටු විමටත් පියවර ගත යුතුයි.
එම තත්වයන් ඇති කිරිම සදහා ලංකාවේ අනිකුත් පලාත් තුල සිදුවන විවිධ සංවර්ධන යෝජනාවන්ට සරිලන ලෙස මෙම දිස්ත්‍රික්කය තුලද එවැනි සංවර්ධන කටයුතු ආරම්භ කල යුතුයි ජනාධිපති අනුර කුමාර දිසානායක මහතාගේ ප්‍රතිපත්ති ප්‍රකාශය තුල සදහන් වෙනවා ලංකාවේ සියලුම දිස්ත්‍රික්කවලට එක සමානව කටයුතු කරන බව.
එම තත්වයන් මත ඉදිරියේදි මෙම නුවරඑළිය දිස්ත්‍රික්කය තුලද සිදු කරනු ලබන විවිධ සංවර්ධණ යෝජනා තුලින් මෙම දිස්ත්‍රික්කයේ ජනතාවගේ ආර්ථිකය නගා සිටුවිමට පියවර ගැනිමෙන් මෙම දිස්ත්‍රික්කයේ ජනතාවගේ ජිවන තත්වයන් නගා සිටුවිමටත් අපිට හැකි වෙනවා එය කිරිම සදහා මෙවර මැතිවරණයේදි නුවරඑළිය දිස්ත්‍රික්කයේ බලයද ජාතික ජනබල වේගයට ලබා දිමට පියවර ගන්නා ලෙසත් ඉල්ලා සිටිනවා.
මනුර සුදත් සෙල්ලහේවා – හැටන්
