මත්පැන් සඳහා වන බදු ඉහළ දමමින් මුදල් අමාත්‍යාංශය නිවේදනයක් නිකුත් කර තිබේ. මුදල් අමාත්‍යවරයා ලෙස ජනාධිපති අනුර කුමාර දිසානායක මහතා විසින් මෙම සුරාබදු වැඩිකිරීම සිදුකර ඇත.
ඒ අනුව දළ වශයෙන් මත්පැන් මිල 06% ක පමණ ප්‍රමාණයකින් වැඩිවනු ඇති බව සඳහන් වේ. ඊයේ (10) මධ්‍යම රාත්‍රියේ සිට ක්‍රියාත්මක වන පරිදි දුම්වැටි මිලත් ඉහළ නංවා තිබේ.
ඒ, සුරාබදු වැඩිකිරීම හේතුවෙනි.කාණ්ඩ හතරක් යටතේ මෙම මිල වැඩිකිරීම සිදුකෙරෙන බවයි ලංකා දුම්කොළ සමාගම නිවේදනය කර ඇත.
ඒ අනුව කැප්ස්ටන් සහ ජෝන් ප්ලේයර් ගෝල්ඩ් යන දුම්වැටි වර්ගවල මිල රුපියල් 05 බැගින් ඉහළ දමා ඇති අතර මිලිමීටර් 83 දිගැති ජෝන් ප්ලේයර් ගෝල්ඩ් ලීෆ් සහ ඩන්හිල් යන වර්ගවල දුම්වැටි මිල රුපියල් 10 බැගින් ඉහළ දමා ඇති බව සඳහන් වේ.
