ඉදිරි මාස කිහිපයේ බොහෝ දුරට මෙරට ජනතාවට සෞඛ්‍යාරක්ෂිත ක්‍රමවේදයන් අනුගමනය කිරීමට සිදුවන බැවින් ජනතාව මීට වඩා වගකීම් සහගතව කටයුතු කළ යුතු බව සෞඛ්‍ය විශේෂඥයින් පෙන්වා දෙයි.
ඇඳිරි නීතිය දිස්ත්‍රික්ක 21 සදහා ලිහිල් කිරීමත් සමඟ එම දිස්ත්‍රික්ක වල ජනතාවට සාමාන්‍ය පරිදි එදිනෙදා කටයුතු වල නියැලීමට හැකිවෙයි.
නමුත් එදිනෙදා ක්‍රියාකාරකම්වලදී සෑම අවස්ථාවකදීම වෛරස ව්‍යාප්තිය වළක්වාගැනීමට සෞඛ්‍යාරක්ෂිත ක්‍රමවේද අනුගමනය ඉතා වැදගත්.
ඒ සඳහා අනුගමනය කළ යුතු ප්‍රධාන කරුණු විශේෂඥයින් හඳුන්වාදී ඇත.
– අත්‍යවශ්‍ය කරුණකට හැර නිවසින් බැහැරට නොගොස් නිවෙසේම රැඳී සිටීම
– නිවසින් බැහැරවන සෑම අවස්ථාවකම මුඛ ආවරණ පැළදීම.
– මුහුණ ඇල්ලීමෙන් වැළකීම සහ වරෙකදී තත්පර 20 ක් හොඳින් දෑත් සේදීම.
– සමාජ දුරස්ථභාවය පවත්වාගනිමින් එකිනෙකා අතර අවම ,මීටරයක පරතරය පවත්වාගැනීම.” යන කරුණුය.
ශ්‍රී ලංකාව තවමත් සිටින්නේ කොරෝනා ව්‍යාප්තියේ තුන් වන අදියරේ බවත් එනම් පොකුරු වශයෙන් තැන් තැන් වලින් ආසාදිතයින් හඳුනාගන්නා අවස්ථාවය.
සිව්වන අදියරට පැමිණිය හොත් රෝගීන් රැක බලා ගත හැකි ධාරිතාවය ඉක්වමිය හැකි බවත් එම තත්ත්වයට ඒම වැළැක්විය හැක්කේ හැකිතාක් සංචරණය අඩු කර ජනතාවගේ සහයෝගය ඇතුව බවත් වෛද්‍ය ආනන්ද විජේවික්‍රම මහතා අවධාරණය කර සිටියි.
