මධ්‍යම කදුකරයේ හැටන් ආශ්‍රිත ප්‍රදේශවලට ඇද හැලෙන වර්ෂාවත් සමග සමහර මාර්ගවල විටින් විට පවතින මීදුම් තත්වයන් හේතුවෙන් විවිධ අනතුරු ඇතිවිමේ අවචදානමක් හට ගෙන ඇත.
මෙම දිනවල මෙම ප්‍රදේශයන්ට විටින් විට දැඩි වර්ෂාවක් පවතින අතර හැටන් කොළඹ, හැටන් නුවරඑළිය යන ප්‍රධාන මාර්ගවල මෙන්ම සමහර අතුරු මාර්ගවලද විටින් විට දැඩි මීදුම් තත්වයන් පැවතිමත් සමග එම මාර්ග ලිස්න සුලු තත්වයන්ට මෙන්ම මාර්ගය නොපෙනි යන තත්වයන්ට පත් විමෙන් විවිධ රථ වාහන අනතුරු ඇතිවිමේ අවදානමක් පවතින බව හැටන් පොලිසියේ නිලධාරියකු පවසන ලදි.
මෙම තත්වයන් පිලිබදව දැඩි අවදානය යොමු කර රථ වාහන ධාවනයේදි ඉතා කල්පනාකාරිව රථ වාහන ධාවනය කරවිමට සියලු රියදුරුන් පියවර ගත යුතු බවද එම නිලධාරියා වැඩි දුරටත් පවසන ලදි.
හැටන් – මනුර සුදත් සෙල්ලහේවා
