|
මේ වසරේ නොවැම්බර් 16 වන දින පැවැත්වීමට නියමිතව ඇත්තේ 08 වැනි ජනපතිවරණයයි. ඒ සඳහා නාම යෝජනා බාර ගැනීම ඔක්තෝබර් 07 වන දින සිදු වූ අතර එහිදී මෙවර අපේක්ෂක ලැයිස්තුව ප්‍රකාශයට පත් කරමින් මැතිවරණ කොමිෂන් සභාව දන්වා ඇත්තේ මෙවර ජනපතිවරණය සඳහා කෝටි 500ක මුදලක් වැය වනු ඇති බවද එය අපේක්ෂා කළ මුදලට වඩා තවත් රුපියල් කෝටි 100ක වියදමක් බවයි. මීට ප්‍රධානම හේතුව වී ඇත්තේ මෙවර ජනපතිවරණය සඳහා බලාපොරොත්තු නොවූ ලෙසට විශාල අපේක්ෂකයින් පිරිසක් ඉදිරිපත් වී සිටීමයි. මැතිවරණ පැවැත්වීම ප්‍රජාතන්ත්‍රවාදයේ අත්‍යවශ්‍ය අංගයක් වුවද ඒවා සඳහා වැය වන්නේ මහජන මුදල්ය. එබැවින් එම වියදම් හැකිතාක් දුරට අවම කර ගැනීමට අවශ්‍ය පියවර ගැනීම වැදගත් වේ.
පසුගිය ජනාධිපතිවරණ සඳහා තරග කළ අපේක්ෂකයන් පිළිබඳ දත්ත වලට අනුව ලංකාවේ පැවති මුල්ම ජනපතිවරණය වූ 1982 වසරේ පැවති ජනපතිවරණය සඳහා අපේක්ෂකයින් 06 දෙනෙකු ඉදිරිපත්වී ඇත. 1988 ජනපතිවරණයේදී අපේක්ෂකයින් 03 දෙනෙකු තරග කර ඇත. 1994 ජනපතිවරණයේදී එම ගණන දැක්වුනේ 06ක් ලෙසය. 1999 ජනපතිවරණයේදී 13කි. 2005 ජනපතිවරණයේදීද 13කි. 2010 ජනපතිවරණයේදී 22කි. අවසන් වරට පැවති 2015 ජනවාරි 08 වැනි දින පැවති ජනපතිවරණයට අපේෂකයින් 19 දෙනෙක් තරග කළහ. මෙවර පැවැත්වෙන ජනපතිවරණය සඳහා අපේක්ෂකයින් 35ක් තරම් විශාල පිරිසක් තරග කරන නිසා අගල් 26ක් දිග ඡන්ද පත්‍රිකාවක් මුද්‍රණය කිරීමට මැතිවරණ කොමිසමට සිදුවී තිබේ. මෙසේ අපේක්ෂකයින් ප්‍රමාණය වැඩිවීම නිසා ඡන්ද පොළ නියෝජිතයන්ගේ සංඛ්‍යාව 70 දක්වාත් ඡන්ද ගණන් කිරීමේ නියෝජිතයන්ගේ සංඛ්‍යාව 175 දක්වාත් ඉහළ යන බව මැතිවරණ කොමිසම මේ වන විටත් ප්‍රකාශ කොට තිබේ.
මේ සම්බන්ධයෙන් අදහස් දක්වන මැතිවරණ ප්‍රචන්ඩ ක්‍රිය නිරීක්ෂණ මධ්‍යස්ථානයේ ජාතික සම්බන්ධීකාරක මංජුල ගජනායක මහතා කියා සිටින්නේ ජනපතිවරණය සඳහා ඇප තැන්පත් කිරීමේදී එසේ තැන්පත් කළ යුතු මුදල් ප්‍රමාණය දැක්වෙන නීතිය 1981 සිට මේ දක්වා සංශෝධනය වී නොමැති බවත් එබැවින් එම වකවානු වල පැවති ඇප තැන්පත් කිරීමේ මුදලම තවමත් ක්‍රියාත්මක වන බවත් ඊට සාපේක්ෂව බලන විට රජයේ මාණ්ඩලික නිලධාරියෙකුගේ වැටුප 50 ගුණයකින් පමණ ඉහළ ගොස් ඇති බවත් එම තත්වය මීට බරපතල ලෙස බලපා ඇති බැවින් මෙම ඇප තැන්පත් කිරීමට අදාළ මුදල් ප්‍රමාණය සංශෝධනය කිරීම කෙරෙහි ව්‍යවස්ථාදායකයේ අවධානය යොමු විය යුතු බවයි.
සටහන : හිරෝෂන් ලක්ෂාන්
|
|
|
Similar Posts
“කාදිනල්තුමා දේශපාලනයක් කරනවා කියන අදහසට මාත් එකඟයි.” – ආචාර්ය නලින්ද සිල්වා
අගරදගුරු මැල්කම් රංජිත් කාදිනල් හිමියන් පසුගිය ජනාධිපතිවරණයේදී පක්ෂග්‍රාහීව කටයුතු කළ බවට හිටපු අමාත්‍යවරයකු වන හරින් ප්‍රනාන්දු පසුගිය දා පොලොන්නරුවේ පැවති ජනහමුවක දී කර ඇති ප්‍රකාශය මේ වන විට සමාජය තුළ කිසියම් ආන්දෝලනයක් මතු කර තිබේ. ඒ සම්බන්ධයෙන් ප්‍රතිචාර දක්වා ඇති ජනාධිපති ගෝඨාභය රාජපක්ෂගේ දේශපාලන න්‍යයාචාර්යවරයකු වන ආචාර්ය නලින්ද සිල්වා පවසන්නේ, වත්මන් කාදිනල්තුමාන් මෙන්ම හිටපු කාදිනල්…
ගැසට් හාල් කන දවස ගැන බන්දුලගෙන් ඉගියක්
සහල් සඳහා උපරිම මිල ප්‍රකාශයට පත් කරමින් නිකුත් කර ඇති ගැසට් නිවේදන යටතේ පාරිභෝගිකයින්ට සහල් මිලදී ගැනීමට හැකිවන්නේ ඉදිරි කන්නයේ වී අස්වැන්න ලැබෙන විට දී බව අමාත්‍ය බන්දුල ගුණවර්ධන මහතා පැවසීය. දඹුල්ල ආර්ථික මධ්‍යස්ථානය පිටුපස අභිනවයෙන් ඉදි වෙමින් පවතින එළවළු සහ පලතුරු කල්තබා ගැනීම, සහ උෂ්ණත්ව පාලන ගබඩා සංකීර්ණයේ නිරීක්ෂණ චාරිකාවකට පැමිණී බන්දුල ගුණවර්ධන අමාත්‍යවරයාගෙන්…
අර්ජුන කනස්සල්ලෙන්
එක්සත් ජාතික පක්ෂයේ නියෝජ්‍ය නායකත්වය රුවන් විජේවර්ධන මහතා පත් කිරීමෙන් පසු හිටපු පාර්ලිමේන්තු මන්ත්‍රී අර්ජුන රණතුංග මහතා දැඩි කනස්සල්ලට පත්ව තිබේ. මෙම සිදුවීමෙන් පසු තමන් මහත් කලකිරීමට පත්ව ඇති බවත් පසෙකට වී සිටීම වඩා යහපත් බවක් ද ඔහු සදහන් කරයි. එක්සත් ජාතික පක්ෂයේ නායකත්වය පරම්පරාවෙන් බූදලයක් සේ ලබාදීමට තමන් විරුද්ද බවත් ඔහු පවසයි. මෙම තත්වය…
කථානායකගෙන් විශේෂ නිවේදනයක්
ආණ්ඩුක්‍රම ව්‍යවස්ථාවේ 41A(1)(f) වගන්තිය ප්‍රකාරව ආණ්ඩුක්‍රම ව්‍යවස්ථා සභාවට රජය සහ විපක්ෂ නායකවරයා අයත් වන දේශපාලන පක්ෂයට හෝ ස්වාධීන කණ්ඩායමක් නියෝජනය නොකරන මන්ත්‍රීවරයෙකු පාර්ලිමේන්තු මන්ත්‍රීවරයන්ගේ එකඟතාවයෙන් පත් කිරීම සදහා විශේෂ රැස්වීමක් 2022 දෙසැම්බර් 8 වැනි බ්‍රහස්පතින්දා සවස 3.00 ට පාර්ලිමේන්තුවේ කාරක සභා කාමර අංක 1හි පැවැත්වෙන බව කථානායක මහින්ද යාපා අබේවර්ධන මහතා අද (06) පෙරවරුවේ නිවේදනය…
අඩුවෙන්ම පාර්ලිමේන්තුවට දායකත්වය දීලා තියෙන්නේ ආණ්ඩු පක්ෂය?
නම වැනි පාර්ලිමේන්තුවේ පළමු වසර තුළ අඩුම දායකත්වයක් ලබා දී තිබෙන ජනතා නියෝජිතයන් දස දෙනාගෙන් හරි අඩක්ම ආණ්ඩුව නියෝජනය කරන පක්ෂයේ බව හෙළි වී තිබේ. 2021 අගෝස්තු මාසයට වසරක් සපිරෙන 9 වැනි පාර්ලිමේන්තුවේ අඩුම දායකත්වයක් ලා දී තිබෙන ජනතා නියෝජිතයන් 10 දෙනා රාජ්‍ය නොවන සංවිධානයක් විසින් හෙළි කර ඇත. එම දසදෙනා දෙනා අතුරින් පස් දෙනෙක්…