ප්‍රාග් ඵෙතිහාසික යුගයට අයත් යැයි සැලකෙන ආදී මානව ජනාවාසයක පුරා විද්‍යා සාධක ඇති ඉපැරණි ගල් ලෙනක් කළුතර දිස්ත්‍රික්කයේ වලල්ලාවිට, ගුලවිට ප්‍රදේශයෙන් හමුවු බවත්, එම ස්ථානයේ ගල් වැඩපලක් සදහා දී තිබු අවසරය වහාම තාවකාලික නතර කර ඒ පිළිබද පරීක්ෂණයක් කිරීමට නිළධාරීන්ට උපදෙස් ලබාදුන් බව ගුදම් සහසුකම්, වරාය බහාලුම් අංගන, වරාය පහසුකම් හා නැව් බෝට්ටු කර්මාන්ත සංවර්ධන රාජ්‍ය අමාත්‍ය ජයන්ත සමරවීර මහතා පසුගිය දා කීවේය.
වලල්ලාවිට, ගුලවිට ප්‍රදේශයේ ගල් වැඩපලක් පවත්වාගන යන ස්ථානයකට යාබද තවත් ගල් වැඩපලක් සදහා පුරා විද්‍ය දෙපාර්තමේන්තු අවසරයකින් තොර බලපත්‍ර ලබාදිම පිළිබද ජයන්ත සමරවීර ඇමතිවරයා පුරා විද්‍යා දෙපාර්තමේන්තු නිළධාරීන් සමග අදාල ප්‍රදේශයේ සිදුකළ පරික්ෂාවකදී ප්‍රාග් ඵෙතිහාසික යුගයට අයත් යැයි සැලකෙන මෙම ගල් ලෙන හමුව තිබේ.
පුරාවිද්‍ය දෙපාර්තමේන්තුවේ හිටපු නියෝජ්‍ය අධ්‍යක්ෂ ජනරාල් ආචාර්ය නිමල් පෙරේරා මහතා ගේ ප්‍රධානත්වයෙන් යුත් පුරාවිද්‍යා පරයේෂණ කණ්ඩායමක් එම ප්‍රදේශයේ සිදුකළ නිරීක්ෂණ වලින් පසු මෙම ගල් ලෙන පාහියන්ගල ලෙන ආශ්‍රිතව හමුවී ඇති ප්‍රාග් ඵෙතිහාසික තොරතුරු වලට සමානකමක් ඇතැයි පුරා විද්‍යා නිළධාරින් සැක පළකර තිබේ. එවැනි සාධක ගණනාවක් බාහිර පරසරය නිරීකිෂණයෙන් දැකගතහැකිබව එම නිළධාරීන් සදහන් කරයි.
මේ පිළිබද පුරා විද්‍යා අධ්‍යයනයක් සිදුකර කරුණු අනාවරණය කරගන්නා තෙක් පුරාවිද්‍යා දෙපාර්තමේන්තුවේ අනුමැතියකින් තොරව අනෙකුත් ආයතන ගල් වැඩපලකට ලබාදී ඇති අනුමැතිය තාවකාලික නතර කිරිමට රාජ්‍ය ඇමති ජයන්ත සමරවීර මහතා අදාල නිළධාරීන්ට නියෝග කළේය. ඒ අනුව වලල්ලාවිට ප්‍රදේශීය ලේකම් වරයාත්, කළුතර දිසාව බාර පොලිස් අධිකාරී වරයාත් දැනුවත් කර එම ගල් වැඩපල ආරම්භ කිරිම නතර කරවීමට උපදෙස් දුන්නේය.
මෙම ස්ථානයේ ඇති විශාල ගල් පර්වතය ආශ්‍රිතව පිහිටි ලෙනෙහි ප්‍රාග් ඵෙතිහාසික මානව ශිෂ්ඨාචාරයක තොරතුරු තිබිය හැකි බවත්, බොහෝ විට එය පාහියන්ගල ලෙනෙන් හමුවන යුගයන්ට අයත් විය හැකි බවටද සැක පළව තිබේ. කෙසේ වෙතත් මෙම ස්ථානයේ පුරා විද්‍යා කැණිමක් කර තොරතුරු තහවුරු කරගතයුතු බව පුරා විද්‍යා දෙපාර්තමේන්තු නිළධාරීන් කියති.
සෝමරත්න පොද්දෙණිය – මීගහතැන්න
