රජයේ නිවාඩුව සතියක කාලයක් දක්වා දීර්ඝ කරන ලෙස රජයේ වෛද්‍ය නිලධාරීන්ගේ සංගමය විසින් ජනපතිගෙන් ඉල්ලීමක් කරයි. කොරෝනා වෛරසය පාලනය කිරීමේ අරමුණින් අදාළ කාලය තුළ සියලුම ගුවන් තොටුපොළවල් සහ සියලු වරායන් වසා දමන ලෙස ඔවුන් ඉල්ලා ඇත.
ඊයේ දිනයේදි පමණක් කොවිඩ් 19 හේතුවෙන් බ්‍රිතාන්‍යයේ පුද්ගලයින් 14 දෙනෙකු මරණයට පත්ව ඇති බවට වාර්තා වනවා. බ්‍රිතාන්‍යයේ වාර්තා වූ ඉහළම මරණ ප්‍රමාණය ලෙසයි සැලකෙන්නේ. එරට මියගිය සමස්ත සංඛ්‍යාව 35 දක්වා ඉහළ ගොස් ඇත. ගතවූ පැය 24 තුළ බ්‍රිතාන්‍යය තුළ කොරෝනා ආසාදිත පුද්ගලයින් 232 වාර්තා වී ඇති අතර ආසාදිත වූ සමස්ත සංඛ්‍යාව 1372 දක්වා ඉහළ ගොස්…
කොවිඩ් 19 හෙවත් මාරාන්තික කොරෝනා වෛරසය ආසාධනය වී ඇති බවට සගවා ගුවන් යානායකින් නිව්යෝර්ක් නුවර සිට ෆ්ලෝරිඩා දක්වා පියාසර කළ ඇමෙරිකානු ජාතිකයෙකුට ජීවිතාන්තය දක්වා පියාසර තහනමක් පැන වූ පුවතක් ඇමරිකාවෙන් වාර්තා වනවා.
ත්‍රීරෝධ රථයකින් වරකට ප්‍රවාහණය කරන මගීන් සංඛ්‍යාව දෙදෙනෙකුට සීමා කරන්නැයි ලංකා ස්වයං රැකියා වෘත්තිකයන්ගේ ජාතික ත්‍රීරෝද රථ සම්මේලනය දැනුම් දෙයි.
අද සිට කලාප වශයෙන් රට තුල ඇඳිරි නීතිය පැණවීමට අමෙරිකාව තීරණය කරයි. එරට බලධාරීන් ප්‍රකාශ කළේ ප්‍රමාද වන සෑම දිනකම වැඩි පිරිසක් මිය යනු ඇති බවටයි.
ලොව ප්‍රබල ව්‍යාපාරිකයෙක් වන Alibaba ව්‍යාපාරයේ හිමිකරු ජැක් මා විසින් කොරෝනා වෛරස් පරීක්ෂණ කට්ටල සහ මුහුණු ආවරණ තොගයක් අමෙරිකාවට පරිත්‍යාග කර තිබෙනවා. වෛරසය පරික්ෂා කිරීමේ උපකරණ කට්ටල ලක්ෂ 05ක් සහ මුහුණු ආවරණ මිලියන ගණනක් යවා ඇති බවයි වාර්තා වන්නේ.
කොළඹ කොටස් වෙළෙඳපොළ සියලු කොටස් මිල දර්ශකය ගනුදෙනු අවසානයේ දී ඒකක 144.82 කින් පහළ ගොස් ඒකක 4,874.73 ක් වශයෙන් වාර්තා විය. මෙය 2012 ජූලි 24 දිනෙන් පසු වාර්තා වූ අඩුම සියලු කොටස් මිල දර්ශක අගය වේ.
පාර්ලිමේන්තු මැතිවරණයේදී තමන් සමඟි ජන බලවේගය යටතේ කොළඹ දිස්ත්‍රීක්කයෙන් තරඟ කරන බව සජිත් ප්‍රේමදාස මහතා නිල වශයෙන් ප්‍රකාශයට පත්කළා. ඔහු මේ බව කියා සිටියේ අවිස්සාවේල්ලේ පැවැති ජනහමුවක් අමතමින්.
සඳුදා (16) දින රජයේ, බැංකු, වෙළඳ නිවාඩු දිනයක් ලෙස ප්‍රකාශ කරන බව රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය සදහන් කරයි. එලෙස නිවාඩු දිනයක් ලෙස නම් කර ඇත්තේ කොරෝනා මැඩලීම සඳහා රාජ්‍ය ආයතන සුදානම් කරවීමේ සහ රෝගය පාලනය කිරීමේ අරමුණිනි.
මහජනතාව විශාල වශයෙන් ගැවසෙන පොදු සහ පෞද්ගලික ප්‍රසිද්ධ රැස්වීම් මෙන්ම උත්සව වහාම ක්‍රියාත්මක වන පරිදි සති දෙකකට නතර කර ඇතැයි පොලීසීය පවසයි. ඒ, වැඩබලන පොලිස්පතිවරයාගේ උපදෙස් මතයි. ඒ පිළිබදව ශබ්ද විකාශන යන්ත්‍ර මගින් ජනතාව දැනුවත් කරන්නැයි පොලිස්පතිවරයා සියලු පොලිස් ස්ථානාධිපතිවරුන්ට උපදෙස් දී තිබේ. එම නීති කඩ කරන පුද්ගලයින්ට එරෙහිව දැඩිව නීතිය ක්‍රියාත්මක කරන බව පොලිස්…
