සිංහල අළුත් අවුරුද්ද අවසානයත් සමග ආරම්භ වු නව කොවිඩ් 19 වෛරසයේ තෙවන රැල්ලට අනුව අනුරාධපුර හා පොළොන්නරුව දිස්ත්‍රික්ක වලින් කොවිඩ් ආසාධිතයන් 1959 දෙනෙකු මේවනවිට හමුවි ඇති බව දෙපළාතේ වසංගත රෝග විද්‍යා අංශ තහවුරු කරන අතර දෙපළාත තුළ ප්‍රතිකාර ලබමින් සිටියදි මියගිය කොවිඩ් 19 ආසාධිතයන් සංඛ්‍යාව 23කි.
ඒ අනුව අනුරාධපුර දිස්ත්‍රික්කයේ සියළුම ප්‍රාදේශිය ලේකම් කොට්ඨාශ වලින් වෛරසය ආසාධිතවු රෝගින් හමුවි තිබෙනා අතර එම සංඛ්‍යාව 1454කි.පොළොන්නරුව දිස්ත්‍රික්කයෙන් හමුවි ඇති රෝගින් සංඛයාව 505දෙනෙකු බව සෞඛ්‍ය අංශ තහවුරු කරයි.
අනුරාධපුර දිස්ත්‍රික්කයේ ප්‍රාදේශිය ලේකම් කොට්ඨාශ 23ක ඇති ගම්මාන බොහොමයකින් රෝගින් වාර්ථාවි ඇති අතර මේවනවිට ස්වයං නිරෝධායන වන පිරිස 5800ක් බව වසංගත රෝග විද්‍යා ඒකකය පවසයි.
එම පිරිස අතර පිරිමි පුද්ගලයන් 4000ක් සහ කාන්තාවන් 1800ක පමණ ප්‍රමාණයක් සිටිනා බව පවසන සෞඛ්‍ය අංශ පවසන අතර පවතින රෝහල් හිගතාවය නිසා රෝගින් 120කට ආසන්න සංඛ්‍යාවක් පසුගියදා වනවිට නිවෙස් වල ස්වයං නිරෝධායනය වෙමින් ප්‍රතිකාර ලබමින් සිටිනා බව වෛද්‍ය අංශ පවසයි.
අනුරාධපුර නගර ආශ්‍රීතව නිවෙස්වල සිටි විශ්‍රාමික හෙද නිලධාරියෙකු ඇතුළු පුද්ගලයන් දෙදෙනෙකු රෝහල් ගතකිරීමට පෙරම මරණයට පත්වු බව වෛද්‍ය අංශ තහවුරු කරයි.
පසුගිය හත අට යන දෙදින තුළදි අනුරාධපුර තුන්වන පියවරේ පදිංචි අයෙකු රෝහල් ගතකිරීමට රැගෙන එන අවස්ථාවේ ජීවිතක්ෂයට පත්වු අතර මෙත්සිරි සෙවන කොවිඩ් ප්‍රතිකාර දැඩි සත්කාර ඒකකයේ ප්‍රතිකාර ලැබූ 62හැවරදි පුද්ගලයෙකු ජීවිතක්ෂයට පත්වි තිබේ.
ඊට අමතරව අනුරාධපුර විජයපුර ප්‍රදේශයේ පදිංචි සෞඛ්‍ය අංශ විශ්‍රාමික නිලධාරිනියක පානදුර කුලියාපිටිය කුරුණෑගල යන ප්‍රදේශවල පදිංචිකරුවන් පිරිසක් අනුරාධපුර මෙත්සිරිසෙවන කොවිඩ් ප්‍රතිකාර ඒකකයේ වෛද්‍ය ප්‍රතිකාර ලබමින් සිටියදි පසුගිය දින කිහිපයේදි ජීවිතක්ෂයට පත්වි තිබේ.
අනුරාධපුර නාගරික බල ප්‍රදේශයෙන් කොවිඩ් රෝගින් බහුලව හමුවෙමින් පවතින අතර මිහින්තලට රජරට විශ්ව විද්‍යාලය තඹුත්තේගම රාජාංගනය හෙරොව්පොතාන ඇතුළු නගර රැසකින් සැලකිය යුතු මට්ටමින් දෛයිනකව රෝගින් හමුවෙමින් පවතින බව වසංගත රෝග විද්‍යා ඒකකය පවසයි.
අළුත් අවුරුදු පොකුරට අනුව පොලොන්නරුව දිස්ත්‍රික්කයෙන් රෝගය වැලදුණු රෝගීන් 505 දෙනෙකු හමුවි තිබෙනා බව සෞඛ අංශ පවසයි.මේවනවිට තවදුරටත් රෝගින් 410දෙනෙකු රෝහල් වල ප්‍රතිකාර ලබන අතර සුවවූ සංඛ්‍යාව 87කි.පුද්ගල මරණ 10ක් පොලොන්නරුව කොවිඩ් ප්‍රතිකාර ඒකක වලින්ද වාර්ථාවේ.
අනුරාධපුර – මහේෂ් විජේසූරිය
