වෙළදසැල් බිදියි

හැටන් නගරයේ වෙළද සැල් බිද භාන්ඩ සොරා ගැනිමක් පිලිබදව සැක පිට එක් අයකු හැටන් පොලිසියට බාර දිමෙන් පසු ඒ පිලිබදව හැටන් පොලිසිය මගින් පුලුල් පරික්ෂණ ආරම්භ කර ඇත.

හැටන් පැති විදියේ යකඩ බඩු වෙළද සැලක් හා ජංගම දුරකථන වෙලද සැලක් 28වන දින අලුයම් කාලයේ කඩා එහි භාන්ඩ හා මුදල් සොරා ගැනිමක් සිදුව ඇත.

මේ පිලිබදව අදහස් දැක්වු එම යකඩ බඩු වෙලද සැලේ සේවකයකු පවසන ලද්දේ 28වන දින අලුයම 4.00ට පමන නගරයේ ආරක්ෂක නිලධාරියකු විසින් වෙලද සැල් හිමිකරුට වෙලද සැලේ දොර විවෘත කර ඇති බවට දුරකථන ඇමතුමක් ලබාදි ඇති බවත්ය.

එම දුරකථන ඇමතුම ලැබිමෙන් පසු වෙලද සැල් හිමිකරු විසින් තමන්ට දුරකථන ඇමතුමකින් සිද්දිය පැවසු බවත්එවිට තමන් මේ පිලිබදව අනිකුත් සේවකයන්ටද දන්වා විනාඩි දහයක විස්සක පමන කාලයක් තුලදි වෙලද සැලට පැමිනි බවත්ය.

තමන් ඇතුළු අන් සේවකයන් පැමිනෙන විට සැක කටයුතු පුද්ගලයකු වෙලද සැල අසල සිට ඉන්දන පිරවුම් හල හරහා හැටන් ප්‍රධාන විදිය ඔස්සේ දිව ගිය බවත් එම පුද්ගලයා පසු පස තම වෙලද සැලේ තවත් සේවකයකු දිව ගොස් එකි පුද්ගලයා අල්ලා හැටන් පොලිසියට බාර දිමට පියවර ගත් බවත්ය.

තම වෙලද සැලේ අස්ථානගතව ඇති මුදල් හෝ භාණ්ඩ පිලිබදව මේ වන තෙක් ගනන් බලා නොමැති බවද ඔහු තව දුරටත් පවසන ලදි.

මෙම තත්වයන් පිලිබදව කරුනු දැක්වු ජංගම දුරකථන අලෙවි සැලේ පුද්ගලයකු පවසන ලද්දේ තම වෙලද සැලේ සිසිටිවි කේබල් කපා දමා වෙලද සැලේ තිබු වටිනා දුරකථන කිපයක් සොරාගෙන ගොස් ඇති බවත්ය.

මෙම ජංගම දුරකථන අතර තිබු  රුපියල් ලක්ෂ දෙකකට අධික දුරකථනයක්ද සොරා ගෙන ගොස් ඇති බවද ඔහු පවසන ලදි.

මෙම පිලිබදව කරන ලද විමසිමකදි අදහස් දැක්වු හැටන් පොලිසියේ නිලධාරියකු පවසන ලද්දේ මෙම සිද්ධින් පිලිබදව මේ වන විට පුලුල් පරික්ෂනක ආරම්භ කර ඇති බවත්ය.

මනුර සුදත් සෙල්ලහේවා – හැටන්