අර්ධ ස්වයං ක්‍රීය ගිනි අවියක් වන බෝර 12 ගිණි අවියට ඉතා සමාන අන්දමින් මෙරට ගිනි අවි නිපදවු පුද්ගලයෙකු අනුරාධපුර කොට්ඨාශ අපරාධ විමර්ශන අංශයේ නිලධාරින් විසින් නිපදවු අවියක් සමග සැකපිට අත්අඩංගුවට ගෙන තිබේ.
තිරප්පනය පොලිස්වසමේ පතිරාජගම ප්‍රදේශයේ පදිංචි තරුණයෙකු සන්තකයේ මෙරට නිෂ්පාදිත ගිනි අවියක් තිබෙනා බවට පොලිස් නිලධාරින්ට ලැබුණු තොරතුරකට අනුව වැටලීම සිදුකර සැකකරු අත්අඩංගුවට ගෙන තිබේ.
සැකකරු විසින් අදාල ගිනි අවිය විදේශිය නිෂ්පාදිත බෝර -12 අර්ධ ස්වයංක්‍රීය ගිනි අවියට සමානවම තනා තිබූ බවත් ඊට බෝර-12 වර්ගයේ ගිනි අවි වලට යොදන පතුරම් යෙදිය හැකි බව පොලිසිය සිදුකළ පරික්ෂන වලදි අනාවරණයවි තිබුණි.
සැකකරු විසින් ගිනි අවි නිපදවා හේන් ගොවීන්ට අලවිකරනා බවට පොලිසියට සැකමතුවි තිබෙනා අතර ඔහු ගිනි අවි කිහිපයක්ම නිපදවා ඇති බව පොලිසිය සිදුකළ මූලික පරික්ෂණ වලදි අනාවරණයවී තිබුණි.
සැකකරු විසින් හේන් ගොවියන් හා වන සතුන් දඩයම් කරනා පුද්ගලයින්ට නිෂ්පාදනය කළ ගිනි අවි විකුණන්නට ඇති බවත් ඔහුගෙන් ඒ පිළිබදව ප්‍රශ්න කරනු ලැබුවත් පැහැදිලි ප්‍රකාශයක් ලබානොදුන් බව පොලිසිය පවසයි.
අත්අඩංගුවටගත් ගිනි අවිය ඉතා හොද තත්වයෙන් නිපදවා තිබු බවත් එම අවියෙන් එල්ල කළ හැකි ප්‍රහාරයකින් පුද්ගලයෙකුට මරණිය තුවාල සිදුකළ හැකි බව පොලිසිය තහවුරු කරගෙන තිබුණි.
අත්අඩංගුවට ගත් සැකකරු වැඩිදුර පරික්ෂණ සදහා තිරප්පනය පොලිස්ථානයට බාරදි තිබුණු අතර ඔහු අනුරාධපුර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.
අනුරාධපුර කොට්ඨාශ අපරාධ විමර්ශන අංශයේ ස්ථානාධිපති ප්‍රධාන පොලිස් පරික්ෂක බණ්ඩාර විජේකෝන් මහතාගේ උපදෙස්මත පොලිස් පරික්ෂක රත්නායක පොලිස් සැරයන්වරුන් වන බණ්ඩාර 48317 රාජරත්න 61934 ඉලංගසිංහ 68492 හා කාන්තා පොලිස් කොස්තාපල් අමිතා 7215 යන නිලධාරින් සැකකාරිය අත්අඩංගුවට ගෙන අධිකරණයට ඉදිරිපත් කර තිබුණි.
අනුරාධපුර – මහේෂ් විජේසූරිය
