මෙවර ඉදිරිපත්කර තිබෙන අය වැය ව්‍යවසායක අය වැයක්.මෙම අය වැය සෞභාග්‍යදැක්ම අනුව ව්‍යවසායකයන්ට දොර විවෘත්තකර රට ගොඩ නගන්නට මග සලසන,කෘෂිකර්මාන්ත,කර්මාන්ත සදහා පෙරළියක් කරමින් රටේ අනාගතය පිළිබද දුර දැක්මක් ඇතිව ඉදිරිපත්කළ එකක් යැයි කළුතර දිස්ත්‍රික් පාර්ලිමේන්තු මන්ත්‍රි අනූප පස්කුවල් මහතා මතුගමදි කීවේය.
ග්‍රාමීය මාර්ග කිලෝමිටර් ලක්ෂයක් කාපට් අතුරා සංවර්ධනය කිරිමේ වැඩසටහන යටතේ රුපියල් මිලියන 25.8 ක් වැයකර මතුගම බණ්ඩාරනායක මාවත කාපට් අතුරා සංවර්ධනය කිරිම ආරම්භකිරිමේ උත්සවය අමතා අනුප පස්කුවල් මහතා මේ අදහස් පළ කළේය.
සෞභාග්‍ය දැක්ම මේ මහ පොලවේ යථාර්ථයක් කිරිම සදහා ඉදිරිපත් කළ ඉතාම කාලෝචිත අය වැයක් බව සියළු දෙනා පිළිගන්නවා.මේ අය වැය මගින් මේ රටේ කෘෂිකර්මාන්තය, කර්මාන්ත පමණක් නෙමෙයි තාක්ෂණික විශ්ව විද්‍යාල, වෘත්තිය පුහුණුව ආදි අංශ සදහා මුදල් ප්‍රතිපාදන වෙන්කර තිබෙනවා.
මේ රටේ රැකියා වියුක්තියට විසදුමක්ලෙස වෘත්තිය පුහුණුව ලබන කාලයේ රුපියල් 4000 ක දිමනාවක් ලබා දෙනවා පමණක් නෙමෙයි එම පුහුණුවෙන් පසු කර්මාන්ත ආරම්භ කිරිමට ආයෝජන ණයක් ලබාදිමට මුදල් වෙන්කර තිබෙනවා.මේවා රටකඅනාගතය වෙනුවෙන් කලයුතු දේවල් නෙමෙයි කියල කාටවත් තර්ක කරන්න බැහැ.
රටේ ආරක්ෂාව පැත්තෙන් වගකිමෙන් කටයුතුකර තිබෙනවා. අනෙත් අතට ගත්තම රටේ ජනතාවගේ සෞඛ්‍ය වගේම වාර්ෂිකව පිටි කිරි ගෙන්වීමට වැය වන රුපියල් මිලියන ගණනක් ඉතිරි කර ගැනීම සදහා දේශිය කිරි නිෂ්පාදනය වෙනුවෙන් ලංකාව පුරා කිරි නිෂ්පාදනාගාර 15 ක් ආරම්භ කිරිමට කටයුතු කරනවා. කිරි නිෂ්පාදනය දැවැන්ත ලෙස ප්‍රවර්ධනය සදහා මුදල් වෙන්කර තිබෙනවා.
මෙතෙක් කල් සිදුකෙරුනේ නැහැ. අපේ සම්ප්‍රදායික බෝගයක්වු කිතුල් සදහා වෙනම අධිකාරියක් පිහිටුවන්න කටයුතු කරනවා. එමගින් අපේ මැතිවරණ ප්‍රකාශනය යථාවත් කර තිබෙනවා.මේවා ග්‍රාමීය ආර්ථිකය සවිමත් කරනව වගේම අපට අළුත් නිෂ්පාදන හරහා රට ලෝකයට ගෙනයන වැඩපිළිවලක් වෙනවා.
මෙවැනි දැවැන්ත වැඩ පිළිවලක් මේ අය වැය තුළ තියෙනවා. මහාමාර්ග, අධ්‍යාපන, සෞඛ්‍ය,කර්මාන්ත, කෘෂිකර්මාන්ත, ඇතුළු සෑම අංශයක්ම නියෝජනය වන පරිදි රට ණය බරින් ගලවා ගැනීමේ අඩිතාලමක් සහිත අය වැයක් ලෙස හදුන්වන්න පුළුවණි.මෙතෙක්කල් නොතිණු නිෂ්පාදන සදහාම වෙන්කෙරණු රාජ්‍ය අමාත්‍යවරුන් පත්කර තිබෙනවා. මේ රටේ අති බහුතරයක් ජනතාව පීඩාවිදින පිරිසිදු පානීය ජලය ලබාදිම සදහා බිලියන දාහක් වෙන්කර තිබෙනවා.
රටේ සංවර්ධනය මුවාවෙන් හොරාකෑම හොදටම හුරු පුරුදු ඔය දැන් විපක්ෂයේ ඉන්න අයට බව පසුගිය කාලයේ කල මහ බැංකු මංකොල්ලය වගේ ඒවයෙන් ඉතා පැහැදිළියි.
මේ අය වැයෙන් සංවර්ධන ව්‍යාපෘති සදහා වැඩි වශයෙන් මුදල් වෙන්කිරිම රටේ ජනතා දේපල හොරාකාපු අයට පේන්නෙ හොරාකන්න මුදල් වෙන්කරල කියල වෙන්න පුළුවණි. නමුත් ගොඨාභය රාජපක්ෂ මැතිතුමා ප්‍රමුඛ මේ නව රජය එහෙම ජනතා දේපල හොරා කන්න ලැස්ති නෑ.ජනතා දේපල හොරාකාපු අයට ජනතාව මොකද කළේ කියල පසුගිය මැතිවරණ වලදි පැහැදිළි වුණා.
විපක්ෂනායකතුමාට විපක්ෂය පාලනය කරගන්න බැරුව කොරෝනාවට බෙහෙත් නියම කරන්න යනවා. මෙතුමා පසුගිය කාලෙ මැලේරියාවටත් බෙහෙතක් නියම කළා. විපක්ෂනායකතුමා කියන කියන ආකාරයට බෙහෙත් ගෙන්වන්න රජය සුදානම් නැහැ. ලෝක සෞඛ්‍ය සංවිධානය කියන උපදෙස් අනුව රජය කටයුතු කරනවා. සජිත් ප්‍රේමදාස මහතාගේ ක්‍රමය පියාගෙ මාර්ගයේ යාමයි.
එතුමගෙ තාත්ත මේ රටේ හැට නමදාහකට අධික තරුණ පිරිසක් මරල දැම්මා. ඒ නිසා සජිත් ප්‍රේමදාස මහත්තයත් තාත්තගෙ මාර්ගයේ යනවද කියල අපිත් බලාගන ඉන්නවා.
කොරෝනා මර්දනයෙන් ආණ්ඩුව අසමත් කියල කියන විපක්ෂය විපක්ෂයේ කාර්ය භාරය ඉටු කිරිම අතින් නම් අසමත් බව ඔප්පුකර තිබෙනවා. ලොව අනෙත් රටවල සිදුවන මරණ අනුපාතය බැලුවම අපේ සෞඛ්‍ය අංශ තවමත් ඉතාම ඉහල මට්ටමකින් කොරෝනා මැඩපවත්වාගන යමින් තියෙනවා.
සෝමරත්න පොද්දෙණිය – මීගහතැන්න
