අනුරාධපුර දිස්ත්‍රික්කයේ පිහිටි ලංකාවේ තෙවන ශික්ෂණ රෝහල වන අනුරාධපුර ශික්ෂන රෝහලේ පිවිසුම් මාර්ගය ජල තටාකයක් බවට පත්විමෙන් රෝහල් කාර්ය මණ්ඩලය රෝගින් ඇතුළු දස දහස් ගණනක පිරිසක් දැඩි අපහසුතාවයට පත්වි සිටිති.
උතුරු මැද පළාත උතුරු පළාත වයඹ පළාත පුත්තලම ඇතුළු පළාත් රැසක රෝගින් ප්‍රතිකාර කටයුතු සදහා අනුරාධපුර ශික්ෂන රෝහලට දිනපතා පැමිණෙන අතර වෛද්‍යවරුන්ගේ පැරණි රථගාල පැවති ස්ථානය සම්පූර් ණයෙන්ම මේ දිනවල පවතින වර් ෂාව සමග ජලාශයක අසිරිය ගෙන තිබේ.
දෛයිනිකව ප්‍රතිකාර සදහා පැමිණෙන රෝගින් නේවාසික රෝගින් බැලීමට එන පිරිස් වෛද්‍යවරු හෙද කාර් ය මණ්ඩල කණිෂ්ඨ කාර් ය මණ්ඩල ඇතුළු විශාල පිරිසක් රෝහල් භූමිය ජල තටාකයක් බවට පත්වීම නිසා දැඩි අපහසුතාවන්ට මුහුණදි ඇතත් ඊට පිළියම් යෙදිමට රෝහල් පරිපාලනය අපොහොසත්වි ඇත.
මේ සම්බන්ධයෙන් අදහස් දැක්වු රෝහල් සේවකයන් පිරිසක්.පසුගිය සමයේ මේ ස්ථානයේ විශාල ගොඩනැගිල්ලක් හදනවා කියලා වෛද්‍යවරුන්ගේ රථගාල ගලවලා ඉවත් කරා.ඊට පස්සේ කොන්ත්‍රාත් සමාගමක් තහඩු වලින් ස්ථානය වටකරලා තිබ්බා.පහුගිය ආණ්ඩුව හදපු ගොඩනැගිල්ලක් නෑ.කොන්ත්‍රාත් සමාගම විශාල වලවක් කපලා මේක ජලාශයක් කරලා තහඩු ටික ගලවගෙන යන්න ගියා.
අද වෙනකොට මේ ස්ථානය විශාල ජලාශයක් බවට පත්වෙලා.වෛද්‍යවරුන් රථවාහන තියෙන අය යන එන මිනිස්සුන්ගේ ඇගටත් මඩ වතුර ඉහාගෙන ස්ථානය පසුකර ගෙන යනවා.සමහර අබාධිත රෝගින්ට මේ ස්ථානය පසුකර ගන්න විදියක් නැතුව අපහසුතාවයට පත්වෙනවා.
සමහර රෝහල් සේවකයෝ දවසට විසි තිස් වතාවක් මේ තටාකය හරහා එහා මෙහා යනවා.රෝගින් බලන්න එන සායන වලට එන මිනිස්සු පුදුම පීඩාවකට පත්වෙලා ඉන්නේ නමුත් ස්ථානය පිලිසකර කරන්න කිසිම උවමනාවක් නෑ යනුවෙන් ඔවුන් පැවසූහ.
මේ ස්මබන්ධයෙන් අනුරාධපුර ශික්ෂන රෝහලේ වැඩ බලන අධ්‍යක්ෂ වෛද්‍ය දුලාන් වීරවර් ධන මහතාගෙන් දුරකථනයෙන් කළ විමසීමකදි ඔහු මෙසේ පැවසුවේය.මෙතන පහුගිය සමයේ ගොඩනැගිල්ලක් හදන්න පටන් අරගෙන පස්සේ ඒක අත්හිටෙවුවා.දැන් ඒ ස්ථානය මඩ වගුරක් වෙලා තියෙන්නේ.
නමුත් මොනවත් කරන්න සල්ලි නෑ අපිට.අපේ පෞද්ගලික මුදලිනුත් මේ ස්ථානය හැදුවා.නමුත් මේ අවස්ථාවේ මොකුත් කරන්න විදියක් නෑ.පැරණි ගොඩනැගිලි අබිලි ද්‍රව්‍ය දාලා පුරවන්න ඉන්නේ.නමුත් ඒක කරන්නත් විදියක් නෑ අයහපත් කාළගුණය නිසා.
අනුරාධපුර මධ්‍යම විශේෂ – බී.මහේෂ් විජේසුරිය
