කළු ගඟ ජලාශය පළමු වරට පිරී යාම රටේ අනාගතය හා කෘෂිකර්මාන්තය පිළිබඳව සුභ නිමිති පහළ වීමක් බවත් කළු ගඟ ජලාශය අවට පාරිසරික සුන්දරත්වය ඉහළම තත්ත්වයක පවතින බවත් හිටපු ජනාධිපති මෛත්‍රීපාල සිරිසේන මහතා පවසයි.
හිටපු ජනාධිපතිවරයා මේ බව පැවසුවේ කළු ගඟ ජලාශයේ නිරීක්ෂණ චාරිකාවක නිරතවෙමිනි.
කළුගන්න ජලාශයේ උපරිම ජල ධාරිතාව ගන මීටර් මිලියන 246.02ක් වන අතර එය මේ වන විට සියයට 99ක් පමණ (ගන මීටර් මිලියන 209ක්)පිරී ගොස් තිබෙන බවත් ඉදිරි දින තුළත් වර්ෂාපතනය ලැබුණහොත් ස්වයංක්‍රීයව ගේට්‍ටු විවරවීමට නියමිත බවත් මහවැලි හා වාරිමාර්ග බලධාරින් හිටපු ජනාධිපතිවරයාට විස්තර කළ හ.
මොරගහකන්ද ජලාශයේ ජලධාරිතාව මේ වන විට සියයට 58ක් පිරී ගොස් තිබෙන බවද එහි දී වාරිමාර්ග හා මහවැලි නිලධාරිහු මෛත්‍රීපාල සිරිසේන මහතාට විස්තර කළ හ.මින්නේරිය කවුඩුල්ල,කන්තලේ හා ගිරිතලේ ජලාශවලට ද මේ වන විට ජලය මුදා හැරෙන බවත් ඒවා පිරෙන්නට ආසන්නයේ පවතින බවත් ඔවුහු විස්තර කළ හ.
එහි දී වැඩි දුරටත් අදහස් දක්වමින් හිටපු ජනාධිපතිවරයා මෙසේ ද කීය.
“ඛළු ගඟ ජලාශයේ වාන්දොර‍ටු ස්වයං ක්‍රීයව විවෘත වීමේ ආසන්නයට පැමිණිලා තියෙනවා.මෙය රටේ අනාගතය ජාතියේ ආර්ථිකය සෞභාග්‍යය
සම්බන්ධයෙන් පෙර නිමිත්තක් විදිහටයි මම දකින්නේ.කළුගඟ ජලාශය මේ විදිහට පිරීම රටේ ගොවි ජනතාවට වගේම රටේ ආර්ථිකයට වැදගත් වෙනවා.
අපට සතු‍ටු වෙන්න පුළුවන් අපි කරපු දේවල්වලින් රටේ ජනතාවට අනාගත්යට ඒ තුළින් ලැබෙන ප්‍රතිලාභ බැලුවාම.ප්‍රධාන වශයෙන් ම කෘෂිකාර්මික රටක් වශයෙන් ද අනික් අතින් කළු ගන්නග කෘෂිකර්මාන්තයට වගේම පාරිසරික වැදගත්කම.
ඉතාම සුන්දර වචනවලින් කියන්න බැරි තරම් ලස්සන් සුන්දර පරිසරයක් මේ කළු ගඟ ජලාශය අවට පරිසර්සය.මේ පරිසරය මිනිසාට විතරක් නෙමෙයි සියලු සත්වයින්ට අයිතියි.
මිනිසා ප්‍රමුඛ සියලු සත්වයාට ජීවත් වීමට හුස්ම ගැනීමට මේ පරිසරයෙන් දෙන ශක්තිය පුළුල් ලෙස කතා කළ යුතු දේවල්.මම සතු‍ටුවෙනවා අප කළ වැඩක හොඳ ප්‍රතිපළ අද දකින්න ලැබෙනවා.”
ඊෂා මුදියන්සේ – පොලොන්නරුව
