ඊයේ(30) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබේ.ඔක්ටේන් 92 වර්ගයේ පෙට්‍රල් ලීටරයක මිල රුපියල් 10කින් ඉහළ දමා ඇති අතර එහි නව මිල රුපියල් 328 කි.
ඔක්ටේන් 95 වර්ගයේ ඉන්ධන ලීටරයක මිල රුපියල් 20 කින් පහළ දමා තිබේ.ඒ අනුව ඔක්ටේන් 95 වර්ගයේ ඉන්ධන ලීටරයක නව මිල වන්නේ රුපියල් 365කි.
ලංකා සුපිරි ඩීසල් ලීටරයක මිල රුපියල් 06කින් ඉහළ දමා ඇති අතර එහි නව මිල රුපියල් 346 ක් වෙයි.ඔටෝ ඩීසල් ලීටරයක් රුපියල් 02කින් පහළ දමා තිබේ.ඒ අනුව එහි නව මිල රුපියල් 308කි.
භූමිතෙල් ලීටරයක මිලක රුපියල් 09කින් පහළ දමා ඇති අතර එහි නව මිල රුපියල් 236 කි.
