ගෝලීය වශයෙන් දුර්ලභ බළල් විශේෂයක් වන අයිබීරියානු ලින්ක්ස් , ස්වභාවධර්ම සංරක්ෂණය සඳහා වූ ජාත්‍යන්තර සංගමයේ රතු ලැයිස්තුවේ වඳවීමේ තර්ජනයට ලක් ව සිට අවදානමට ලක්විය හැකි තත්ත්වයට පත්ව ඇති බව විදෙස් මාධ්‍ය වාර්තා කරනවා.
ඒ අනුව මෙම වෙනස එහි ජනගහනයේ සැලකිය යුතු වැඩි වීමක් පිළිබිඹු කෙරෙන බව සඳහන්.
අයිබීරියානු ලින්ක්ස් ගහණය 2001 වසරේ සිට 2022 වසර වන විට සැලකිය යුතු සංඛ්‍යාවකින් ඉහළ ගොස් ඇති බව සඳහන්.
කෙසේ වෙතත්, ස්පාඤ්ඤය සහ පෘතුගාලය පුරා ලින්ක්ස් 2,000කට වඩා වෙසෙන බවයි ඇතැම් වාර්තා පෙන්වා දෙන්නේ.
අයිබීරියානු ලින්ක්ස් දැඩි පරිහානියකට මුහුණ පා ඇත්තේ 1960 ගණන්වල සිටයි.
ඒ වාසස්ථාන අහිමි වීම, දඩයම් කිරීම සහ මාර්ග අනතුරු හේතුවෙනි.
