පෞද්ගලික බස් කර්මාන්තය යළි ආරම්භ කිරීම සඳහා බස් රථ හිමියන්ට ලබා දිය හැකි සියලු සහන ලබාදෙන ලෙස ප්‍රවාහන අමාත්‍ය පවිත්‍රා වන්නිආරච්චි මහත්මිය විසින් නිලධාරින්ට උපදෙස් දී තිබෙනවා.
ඒ, පෞද්ගලික බස් හිමියන් සමග ප්‍රවාහන අමාත්‍යාංශයේදී පැවති සාකච්ඡාවකදීයි.
බස් රථ සඳහා වන ලීසිං ණය වාරික ගෙවීම සඳහා සහනයක් ලබා ගැනීමට අමාත්‍යාංශයේ මැදිහත්වීම, මාර්ග බලපත්‍ර ගාස්තු ගෙවීම සඳහා සහන කාලයක් ලබා දීම, බලපත්‍ර රහිතව මගී ප්‍රවාහනයේ යෙදීම නැවැත්වීම ආදී කරුණු පිළිබඳව බස් හිමියන් එහිදී අමාත්‍යවරියට කරුණු ඉදිරිපත් කර තිබෙනවා.
