අද වන විට ශ්‍රී ලංකාවේ කොරෝනා ආසාදිතයන් වාර්තා වන ආකාරය යම්කිසි ආකාරයට ඉන්දියාවට සමකළ හැකි මට්ටමක් යයි වසංගත රෝග විද්‍යා අංශයේ ප්‍රධානී විශේෂඥ වෛද්‍ය සුදත් සමරවීර මහතා සඳහන් කරයි.
ශ්‍රී ලංකාව ද දැන් ඉන්දියාවේ කොරෝනා ව්‍යවසනයේ තත්ත්වයට පත්වීමේ අවදානමක් ඇතැයිද ඒ මහතා කියා සිටියි.
යම්කිසි ආකාරයකින් ඉන්දියාවේ මෙන් අතිවිශාල මට්ටමින් රෝගීන් වාර්තා වීමට පටන් ගතහොත් ඉන්දියාවේ තත්වය ඇති වීමේ ඉහළ අවදානමක් ඇතැයි ද පැවසූ ඔහු එම අවදානම වැළැක්වීම ජනතා සහාය ඉතා අවශ්‍ය බවද පැවසීය.
ඔහු මේ බව සඳහන් කළේ වසංගත රෝග විද්‍යා අංශයේ දී පැවති මාධ්‍ය හමුවක් අමතමිනි.
