පාර්ලිමේන්තු මැතිවරණය ජූනි මස 20 වැනි දින පැවැත්වීමට නම් මැයි මස 15 වනවිටවත් කොරෝනා මැඩපවත්වා රට සාමාන්‍ය තත්වයට පත් වී තිබිය යුතු යැයි මැතිවරණ කොමිෂන් සභාවේ සභාපති මහින්ද දේශප්‍රිය මහතා පවසයි.
එමෙන්ම සෞඛ්‍ය බලධාරීන්ගේ පූර්ණ නිර්දේශය වගේම මීටත් අමතරව මැතිවරණය පැවැත්වීමට නම් මැතිවරණ කොමිසමද සෑහීමකට පත්විය යුතු බවත් රාජ්‍ය නිලධාරීන්, ස්වේච්ඡා සංවිධාන, දේශපාලන පක්ෂ, සිවිල් සමාජ සංවිධාන ආදියේ අදහස් හා යෝජනා සලකා බැලීම අවශ්‍ය වන බවද සභාපතිවරයා පවසයි.
මැතිවරණ කොමිසම මේ වනවිට ඡන්ද විමසීම සඳහා අවශ්‍ය මූලික කටයුතු සිදුකර ගෙන යමින් තිබෙනබවද මහින්ද දේශප්‍රිය මහතා පවසයි.
