රඹුක්කන ප්‍රදේශයේ දුම්රිය මාර්ගයක් අවහිර කරමින් පැවති විරෝධතාකරුවන්ට කඳුළු ගෑස් ප්‍රහාරයක් එල්ලකර තිබේ.
පොලිසිය සහ විරෝධතාකරුවන් අතර ඇතිවූ උණුසුම් තත්ත්වයකදී සිදුකළ වෙඩි තැබීමකින් තුවාල ලැබූ පිරිසෙන් එක් අයෙකු ජීවිතක්ෂයට පත්ව ඇති බව කෑගල්ල රෝහල තහවුරු කරයි.
තුවාල ලද පිරිස 11 ක් බවත් 4 ක් බරපතල බවත් වාර්තා වන අතර බරපතල තත්වයට පත්වූ එක්අයෙකු රෝහලේදී මරණයට පත්ව ඇතැයිද වාර්තා විය.
ආණ්ඩුව එක් රැයකින් ඉන්ධන මිල දරාගත නොහැකි ආකාරයට ඉහළ දැමීමට විරෝධය පා විරෝධතාවය අද උදෑසන පටන් දුම්රිය ධාවනයටද බාධා කරමින් රේලි පිලි අසළ ගිනි ගොඩවල් ගසමින් මෙම විරෝධතාව දැඩි ලෙස ක්‍රියාත්මක කර තිබුණි.
