රුපියල් 1700 වතු කම්කරු දෛනික වැටුප් වැඩිවිම මේ වන විට පුස්සක් බවට පත් වෙලා ඉවරයි ඒ සදහා ඉදිරිපත් කරපු ගැසට් නිවේදනයත් මේ වන විට රිවස් වෙලා දැන් අලුත්ම තුරුම්බුව බවට වතු ගම්මාන බවට පත් කිරිම බව සමස්ථ ලංකා ප්‍රගතිශීලි සේවක පෙරමුණේ නායක ආචාර්ය ඉලංගෝ ගාන්ධි මහතා පවසයි.
හැටන්හි පිහිටි ඒ මහතාගේ කාර්යාලයේදි මේ බව පැවසු ඉලංගෝ ගාන්ධි මහතා එහිදි මෙසේද පවසන ලදි.
වතුකරය නියෝජනය කරන වතු කම්කරුවන් සමහර දේශපාලකයන් රැවටිමට ලක් කිරිම මේ වන විට පුරුද්දකට ගිහින් කම්කරු දිනයේදි වතු කම්කරු දෛනික වැටුප රුපියල් 1700 දක්වා වැඩි කරන බව පැවසුවා ඒ වෙනුවෙන් ගැසට් නිවේදනයක්ද නිකුත් කලා.
එම නිවේදනයත් සමග වතුකරයේ එක්තරා වෘත්තිය සමිතියක් ඔවුන්ගේ සමාජිකයන් ලවා මාර්ගවල රතිඤ්ඤා පත්තු කර කිරි බත් උයලා කැවා එත් එම වැටුප් වැඩි කිරිමට එරෙහිව වතු සමාගම් අධිකරණයට ගියා එම තත්වයන් මත එම වැටුප් වැඩි විම ඇනහිටියා මේ වන විට එම ගැසට් නිවේදනයද රිවස් වෙලා තියෙන්නේ.
දැන් කියනවා වතුවල ලයින් කාමර ඉවත් කර එම වතු ගම්මාන බවට බවට පත් කරනවා කියලා මෙය නිසි ලෙස කරනවා නම් අපිත් සතුටුයි එත් මේ දේශපාලන කතා කවද්ද ඉටු වෙන්නේ.
මෙයට පෙරත් මැතිවරණ කිපයකදිම විවිධ දේශපාලකයන් පැවසුවා අපි බලයට පත්වු විට වතු කම්කරුවන්ට පර්චස් 10 ඉඩම් කොටසක් සින්නක්කර ඔප්පු සමග ලබා දෙන බව එසේ පොරෝන්දු දුන් අය බලයට පත් වුනත් එම ඉඩම් කොටස් හෝ සින්නක්කර ඔප්පු මේ වන තෙක් ලැබිලා නැහැ.
මේ සමහර දේශපාලකයන් මැතිවරණ ලංවන විට විවිධ පොරොන්දු ලබා දෙමින් වතු කම්කරුවන් රැවටිමට ලක් කිරිමයි සිදු කරන්නේ මේ වතු කම්කරුවන් රැවටිමට මේ වන විට එක එක නාට්‍ය පටන් අරං තියෙන්නේ මෙයින් සිදු වන්නේ මේ වතු කරයේ අහිංසක වතු කම්කරුවන් නැවත වරක් රැවටිමට ලක් විමයි.
අද වන විට වතු කම්කරුවන් ලැබෙන සොච්චම් වැටුපෙන් ජිවත් වෙන්න බැරිව දුක් විදිනවා එයට නිසි පිලියම් ලබා නොදි මේ බොහෝ දේශපාලකයන් කරන්නේ මේ වතු කම්කරු ජනතාව රවටා ඔවුන්ගේ ඡන්දයෙන් බලය ලබා ගන්න විතරයි.
මනුර සුදත් සෙල්ලහේවා – හැටන්
