නුවරඑළිය දිස්ත්‍රික්කයෙන් අලුත් පිරිසක් මෙවර පාර්ලීමේන්තුවට යැවිය යුතු බව මේ වන විට වතුකර ජනතාවගේ ප්‍රබල ඉල්ලිමක්වී ඇති බව එක්සත් ප්‍රජාතන්ත්‍රවාදි හඩ පක්ෂයේ නුවරඑළිය දිස්ත්‍රික් කණ්ඩායම් නායිකා අනුෂා චන්ද්‍රසේකරන් මහත්මිය පවසයි.
වටගොඩ ප්‍රදේශයේදි මාධ්‍ය වෙත මේ බව පැවසු අනුෂා චන්ද්‍රසේකරන් මහත්මිය එහිදි මෙසේද පවසන ලදි.
අද අපි වතුවලට ඡන්දය ඉල්ලන්න යන විට වතුකරයේ අති විශාල පිරිසක් අපිට කියන දෙයක් තමයි මෙච්චර කලක් අපෙන් ඡන්දය අරන් පාර්ලීමේන්තු ගිය හුග දෙනෙක් අපිට කිසි දෙයක් කරලා නැහැ කියන එක එම තත්වයන් මත මෙවර අලුත් පිරිසක් මෙම දිස්ත්‍රික්කයෙන් පාර්ලීමේන්තුවට යැවිමට පියවර ගන්නා බවද ඔවුන් පවසනවා.
මේ වන විට වතුකම්කරුවන් දැඩි ලෙස ආර්ථික අහෙනියකට පත් වෙලා ඉන්නේ මේ වන විට වතුකරයේ අධ්‍යාපන තත්වයන් අඩු වෙලා තියෙන්නේ පසු ගිය කාලවලදි මේ වතුකරයේ හිටිය තරුණ තරුණියන්ගෙන් බොහෝ පිරිසක් මේ වන විට වතුවල නැහැ ඒ අය කොළඹ ඇතුළු විවිධ ප්‍රදේශවල හෝටල්වල ගෙවල්වල කඩවල්වල රැකියා සදහා ගිහින් ඉන්නේ.
එසේ ගිහිපු සමහර අය විවිධ අතවරයන්වලට ලක් වෙනවා මේ පිලිබදවත් අපි අවදානය යොමු කල යුතුයි මේ පිලිබදව මේ අයගෙන් ඡන්දය ලබා ගෙන ගියපු සමහර අය නිසි අවදානයක් යොමු කරලා නැහැ.
මේ නුවරඑළිය දිස්ත්‍රික්කයේ ඇගලුම් කම්හල් ඇතුළු විවිධ තර්මාන්ත ශාලා ඇති කල යුතුයි එවිට එම කර්මාන්ත ශාලාවල මේ ප්‍රදේශයේ තරුන තරුනියන් සදහා රැකියා අවස්ථා ලබා දෙන්න පුලුවන් එමෙන්ම මෙම ප්‍රදේශයේ විවිධ වෘත්තිය පුහුණු මධ්‍යස්ථානද ඇති කල යුතුයි ඒ තුලින් විවිධ රැකියාවන් සදහා මෙම දිස්ත්‍රික්කයේ තරුණ පිරිස් පුහුණු කල හැකියාව පවතිනවා.
එවැනි කටයුතු සදහා සැලසුම් මා සතුවද පවතිනවා එම සැලසුම් ක්‍රියාත්මක කිරිමට පාර්ලීමේන්තුව තුල හඩක් නැගිමටත් එම හඩ තුලින් එවැනි දේ ක්‍රියාත්මක කිරිමටත් ඔබලාගේ ඡන්දය මාවෙත ලබා දෙන ලෙස ඉල්ලා සිටිනවා.
මනුර සුදත් සෙල්ලහේවා – හැටන්
