වයස අවුරුදු 70ට වැඩි අස්වැසුම ප්‍රතිලාභී පවුල්වල ජීවත් වන වැඩිහිටියන්ගේ වැඩිහිටි දීමනාව මේ මාසයේ සිට අස්වැසුම බැංකු ගිණුම් වෙත බැර කිරීමට සුබසාධක ප්‍රතිලාභ මණ්ඩලය පියවර ගෙන තිබේ.
ඒ අනුව අස්වැසුම ප්‍රතිලාභී පවුල්වල සිටින ප්‍රතිලාභීන්ට නොවැම්බර් මාසයට අදාළ රුපියල් 3000ක වැඩිහිටි දීමනාව අද සිට තම පවුලේ අස්වැසුම බැංකු ගිණුමෙන් ලබාගත හැකියි.
අස්වැසුම ප්‍රතිලාභීන් නොවන අවුරුදු 70ට වැඩි දැනටමත් එම දීමනා ලබන ඉතිරි වැඩිහිටියන් සඳහා ගෙවන වැඩිහිටි දීමනාව පැවති ක්‍රමය අනුව අඛණ්ඩවම තැපැල් කාර්යාල මගින් ලබාගැනීමට හැකියාව ලැබෙයි.
අස්වැසුම යෝජනා ක්‍රමය යටතේ පන් ලක්ෂ එකොලොස් දහස් අසූ හයකට මෙම දීමනාව හිමි වෙයි.
