ඊශ්‍රායල අග්‍රාමාත්‍ය බෙන්ජමින් නෙතන්යාහු එරට ආරක්ෂක අමාත්‍යවරයා ලෙස කටයුතු කළ යෝව් ගැලන්ට් ධුරයෙන් නෙරපා ඇත.
ඊට හේතු වී ඇත්තේ නෙතන්යාහු සහ ගැලන්ට් අතරේ හටගත් මත ගැටුම් බව විදෙස් මාධ්‍ය වාර්තා කරයි.
ඊශ්‍රායලය ගාසා තීරයේ හමාස් සටන්කාමීන් ඉලක්ක කර ගනිමින් සහ ලෙබනනයේ හිස්බුල්ලා සටන්කාමීන් ඉලක්ක කර ගනිමින් ප්‍රහාර එල්ල කිරීම කළේ යෝව් ගැලන්ට්ගේ අධීක්ෂණය යටතේ ය.
එසේ වුවත් ඊශ්‍රායල වැසියන්ට කන් දෙමින්, යෝව් ගැලන්ට් දිගින් දිගටම සටන් විරාමයකට ගොස් හමාස් ග්‍රහණයේ ඉතිරි වූ ඊශ්‍රායල ප්‍රාණ ඇපකරුවන් මුදා ගන්නැයි දිගින් දිගටම අග්‍රාමාත්‍ය නෙතන්යාහුට බල කර ඇත.
