ක්ලින් ශ්‍රි ලංකා හාල් ප්‍රශ්නය යට ගැසිමක්ද ?

රටේ මේ වන විට දැවෙන ප්‍රශ්නයක් වන හාල් ප්‍රශ්නය යට ගැසිම සදහා ජනාධිපති තුමන් ක්ලින් ශ්‍රිලංකා වැඩ සටහන ආරම්භ කර ඇති බව එක්සත් ජාතික නිදහස් පෙරමුණේ ප්‍රධාන ලේකම් ජනාධිපති නිතිඥ මෛත්‍රි ගුණරත්න මහතා පවසයි.
කොටගල පිහිටි ඒ මහතාගේ කාර්යාලයේදි මාධ්‍ය වෙත මේ බව පැවසු මෛත්‍රි ගුණරත්ක මහතා එහිදි වැඩි දුරටත් මෙසේ පවසන ලදි.
අවුරුද්ද ආරම්භයේදිම ජනාධිපතිතුමන් ක්ලින් ශ්‍රිලංකා වැඩ සටහනක් පටන් ගන්නවා එතුමා ජනාධිපති පුටුවේ වාඩි වෙලා මාස තුනසට පස්සේ තමයි ඔහුට හිතුනේ මේ ක්ලින් ශ්‍රි ලංකා වැඩ සටහන මොකද එතුමා හිතනවා ක්ලින් ශ්‍රිලංකා පටන් ගත් විට මේ වන විට මේ රටේ දැවෙන ප්‍රශ්නයක්ව පවතින සහාල් ප්‍රශ්නය යට ගහන්න පුලුවන් වෙයි කියලා පවතින අර්බුදයෙන් ගැලවෙන්නයි මේ හදන්නේ.
මෙය මාස තුනකට පස්සේ කරන්න වැඩක් නැහැ මම මධ්‍යම ආන්ඩුකාර ලෙසත් ඌව ආන්ඩුකාර ලෙසත් වැඩ බාර ගත් විටයි එම පලාත්වල මේ ක්ලින් ශ්‍රිලංකා වැඩ සටහන් ආරම්භ කලේ මධ්‍යම පලාතේ මහනුවර ගොහා ගොඩ කුණු ගොඩ මාසයක කාලයක් තුල ඉවත් කලා ඌව පලාතේ බදුල්ලේ වැවක් ගොඩ කරලා තිබු ලොකුම කුණු කන්ද මාස එකහමාරක කාලයක් තුල සුද්ධ කලා මේ ජනාධිපතිවරයා හදන්නේ හාල් ප්‍රශ්නය යට ගහන්නයි.
ප්‍රාදේශිය සභා තියෙනවා නගර සභා තියෙනවා පලාත් සභා තියෙනවා අද වන විට ප්‍රාදේශීය සභා නගර සභා පලාත් සභා බලය නැහැ මෙය පාලනය කරන්නේ ආන්ඩුකාරවරුන් මේ ජනාධිපතිතුමා ආන්ඩුකාරවරුන් පත් කරලා තියෙන්නේ කිසිම දෙයකු දන්නේ නැති ඉන්නවාද නැද්ද කියලාවත් දන්නේ නැති පිරිසක්.
ප්‍රාදේශිය සභා නගර සභා පලාත් සභා පාලනය කරන්නේ ආන්ඩුකාරවරුන් එතකොට ජනාධිපතිතුමාට අවශ්‍ය නැහැ ක්ලින් ශ්‍රිලංකා ගෙනියන්න එතුමාට පුලුවන් ප්‍රාදේශිය සභා 341 සදහා හොද නිලධාරින් 341 පත් කරලා ඒ අයට කියලා මෙය කරන්න එවිට මේ ශෝබන වැඩ කරන්න ඕන නැහැ.
ආන්ඩුකාරවරුන්ට පුලුවන් පාසල් ලමයි යොදවල හමුදාව යොදවලා මෙය කරන්න ප්‍රාදේශීය සභාවල නගර සභාවල වැඩ තමයි තම ප්‍රදේශයේ කුණු කසල ඉවත් කරන එක අප්‍ර ද්‍රව්‍ය ඉවත් කරන එක පලාත් සභාවට පුලුවන් ඒ අයට අවශය පහසුකම් ලබා දෙන්න අද මේ අයට වැඩ පිලිවෙලක් නැහැ මේ අය කර ගෙන යන්නේ රනිල් වික්‍රමසිංහ මහතාගේ වැඩ පිලිවෙලමයි රනිල් වික්‍රමසිංහ මහත්කයාගේ වැඩවලට පරිබාහිර එක වැඩක් කරලා තියෙනවාද.
නන්දලාල් විරසිංහ ඉවත් කරනවා කිව්වා මහ භාන්ඩාගාරයේ ලේකම් ඉවත් කරනවා කිව්වා ඒ එකක්වත් කරලා නැහැ අද මේ ජනාධිපතිතුමා කරන්න දෙයක් නැතිව එහේ මේහේ බලනවා අද මේ ආන්ඩුවේ ඇමතිවරුන්ට කරන්න දෙයක් නැතිව ඒගොල්ලන්ගේ නොහැයාව බේර ගන්න රජයේ නිලධාරින් වැඩ කරන්නේ නැහැ කියනවා.
මම මධ්‍යම ඌව ආන්ඩුකාර ලෙස වැඩ කරන විට මේ රජයේ නිලධාරින් හොදට වැඩ කලා කියලා විශ්වාසයෙන් කියන්න පුලුවන් අද කණිස්ඨ නිලධාරියකු ජනාධිපති ලේකම් ලෙස පත් කර ගෙන තියෙනවා එතනින් පස්සේ තමයි රජයේ සේවකයන්ගේ මානසික මට්ටම වට්ටලා තියෙන්නේ.
ජනාධිපතිතුමා මේ බොරු කියන්නේ නැතිව ජනතාව මුලා කරන්නේ නැතිව මේ හාල් ප්‍රශ්නයට විසදුමක් ලබා දෙන්න නගර සුද්ධ කිරිම නගර සභාවලට ප්‍රාදේශීය සභාවලට දෙන්න ඔබතුමා මේ රටේ ආර්ථිකය හදන්න වැඩ පිලිවෙලක් සකස් කරන්න 2027, 2028, වන විට ඩොලර් බිලියන 120ක් ණය ගෙවන්න තියෙනවා එම නිසා මේ කරුවලේ අතපත ගාන එක නතර කරලා මේ රටේ ආර්ථිකය නගා සිටුවන්න වැඩ පිලිවෙලක් ක්‍රියාත්මක කරන්න කියලායි අපි ඔබතුමාට කියන්නේ.

මනුර සුදත් සෙල්ලහේවා – හැටන්