රුපියල් කෝටි දෙකකට ආසන්න වටිනාකමකින් යුත් හෙරොයින් මත්කුඩු සුපිරි වර්ගයේ මෝටර් රථයකින් ප්‍රවාහනය කරමින් සිටි අඹු සැමි යුවලක් පිලියන්දල ,පැලැන්වත්ත ප්‍රදේශයේදී වන දින අත්අඩංගුවට ගත් බව බස්නාහිර පළාත් පාසල් ආශ්‍රිත මත්ද්‍රව්‍ය වැටලීම් ඒකකය පැවසීය.
සැකකාර අඹුසැමි යුවළ වයස අවුරුදු 21,.හා 23 අතර වයස් කාණ්ඩයේ පසුවන්නන් බවත් මෙම යුවළ සන්තකයේ තිබි මත්කුඩු කිලෝ එකකට වැඩි ප්‍රමාණයක් සහ ඔවුන් ගමන් ගත් මෝටර් රථය, ලක්ෂ දෙකකට ආසන්න මුදල් , ජංගම දුරකථන දෙකක්, පෞද්ගලික බැංකු කිහිපයක ඒටීඑම් කා පත් පොලීසිය විසින් අත්අඩංගුවට ගත් බවත් පොලිසියේ පැවසීය
මත්කුඩු තොගයේ වටිනාකම රුපියල් එක්කෝටි අසුලක්ෂයකට ආසන්න බවත් පන්නිපිටිය පැලැන්වත්ත ප්‍රදේශයේ සිට කොළොන්නාව ප්‍රදේශයේ ස්ථානයකට මෙම මත්කුඩු ප්‍රවාහන කරමින් සිටි බවත් ලද තොරතුරක් මත කොළඹ අපරාධ කොට්ඨාසයට අනුයුක්ත බස්නාහිර පළාත් පාසල් ආශ්‍රිත මත්ද්‍රව්‍ය වැටලීමේ ඒකකයේ ස්ථානාධිපති ප්‍රධාන පොලිස් පරීක්ෂක එම්.පී. කස්තුරිආරච්චි මහතා ඇතුළුව නිලධාරීන් කණ්ඩායමක් විසින් මෙම යුවල සහ වාහනය පරීක්ෂා කිරිමෙදී සැකකාර යුවළ අත්අඩංගුවට ගැනීමට හැකි වූ බව පොලීසිය පැවසීය.
