මධ්‍යම කදුකරයේ බටහිර බැවුම් ප්‍රදේශයන් තුල මේ වන විට පවතින අයහපත් කාලගුණික තත්වයන් මත නුවරඑළිය දිස්ත්‍රික්කයේ මාර්ග ලිස්සන සුලු තත්වයන්ට පත් විමෙන් හා විටින් විට පවතින දැඩි මීදුම් තත්වයන් මත විවිධ රථ වාහන අනතුරු ඇති විමේ අවදානමක් පවතින බව හැටන් පොලිසියේ රථ වාහන අංශයේ නිලධාරියකු පැවසිය.
මේ පිලිබදව වැඩි දුරටත් අදහස් දක්වන එම නිලධාරියා පවසනුයේ මේ වන විට මෙම ප්‍රදේශයන් තුලට පවතින වැසි තත්වයන් හේතුවෙන් මෙම ප්‍රදේශයේ මාර්ග ලිස්සන සුලු තත්වයන්ට පත්ව ඇති බවත්ය.
එමෙන්ම විශේෂයෙන් හැටන් කොළඹ හා හැටන් නුවරඑළිය ප්‍රධාන මාර්ගවල විටින් විට මාර්ගය නොපෙනි යන අකාරයෙන් දැඩි මීදුම් තත්වයන් පවතින බවත්ය.
මෙම තත්වයන් මත මෙම ප්‍රදේශයන් තුල විවිධ රථ වාහන අනතුරු ඇතිවිමේ අවදානමක් පවතින බවත් මෙම තත්වයන් පිලිබදව දැඩි අවදානයක් යොමු කර තම රථ වාහන ධාවනය කර විමෙදි ඉතාමත් කල්පනාකාරිම රථ වාහන ධාවනය කරවන ලෙස සියලුම රියදුරන්ගෙන් ඉල්ලා සිටින බවද එම නිලධාරියා වැඩි දුරටත් පැවසිය.
මනුර සුදත් සෙල්ලහේවා – හැටන්
