බරපතළ අපරාධවලට සම්බන්ධ වූ සහ මරණ දඩුවම නියම වූ සිරකරුවන් මඩකලපුවේ දූපතක ස්ථානගත කිරීම කෙරෙහි අවධානය යොමුව ඇති බව අධිකරණ, මානව හිමිකම් සහ නීතී ප්‍රතිසංස්කරණ අමාත්‍ය නිමල් සිරිපාල ද සිල්වා මහතා පවසයි.
දැනට මඩකලපුවේ ළාඳුරු රෝගීන් සඳහා වෙන්කර තිබු මෙම දූපතේ දැනට සිටින්නේ රෝගීන් දෙදෙනෙකු බවයි.
මේ වන විට ඔවුන් ද සුවය ලබමින් සිටින බවද පැවසු අමාත්‍යවරයා, සෞඛ්‍ය අංශවලින් මේ වන විට එම දුපත බන්ධනාගාර දෙපාර්තමේන්තුව වෙත පවරා ගෙන බරපතළ අපරාධකරුවන් හා මරණ දණ්ඩනයට නියම වු අපරාධකරුවන් එහි ස්ථාන ගත කිරීමේ වැඩපිළිවෙලක් පිළිබඳව අවධානය යොමුව ඇතැයි ද පැවසීය.
මේ සඳහා කෙටි කාලයක් ගත වනු ඇතැයි ද අමාත්‍යවරයා මෙහිදී කියා සිටියේය.
