ශ්‍රී ලංකාවේ ටෙස්ට් ක්‍රිකට් කණ්ඩායමේ පළමු නායකයා ලෙස කටයුතු කළ බන්දුල වර්ණපුර මහතා අභාවප්‍රාප්ත වී තිබේ.
කොළඹ පුද්ගලික රෝහලක ප්‍රතිකාර ලබමින් සිටින අතරතුර දී ඒ මහතා ජීවිතක්ෂයට පත්ව ඇත.
මිය යන විට ඒ මහතා 68 වන වියේ පසුවිය.
බන්දුල වර්ණපුර මහතා ශ්‍රී ලංකාව වෙනුවෙන් ටෙස්ට් තරඟ 4කට සහ එක්දින ජාත්‍යන්තර තරඟ 12කට ක්‍රීඩා කර තිබේ.
වර්ණපුර මහතා පුතුන් දෙදෙනකුගේ පියකු වන අතර කොළඹ නාලන්දා විද්‍යාලයේ නමගිය ක්‍රිකට් ක්‍රීඩකයන් වන මාධව සහ මධුර, වර්ණපුර මහතාගේ පුත්‍රයෝ වෙති.
වර්ණපුර මහතාගේ දේහය පිළිබඳ අවසන් කටයුතු පසුව දැනුම්දෙන බව පවුලේ ඥාතියකු පැවැසීය.
