කොවිඩ් රෝගය ගෝලීය සෞඛ්‍ය හදිසි තත්ත්වයක් නොවන බවට ලෝක සෞඛ්‍ය සංවිධානය ප්‍රකාශ කළත් තවමත් සෑම විනාඩි හතරකට සැරයක් කොවිඩ් රෝගය හේතුවෙන් අවම වශයෙන් එක් පුද්ගලයකු හෝ මියයන බව නිල වාර්තා පෙන්වා දී ඇත.
වෛරසය සමඟ ගනුදෙනු කරන්නේ කෙසේදැයි යන ප්‍රශ්නයට තවමත් පිළිතුරක් නොමැති අතර අවදානමට ලක්විය හැකි පුද්ගලයන් සහ එන්නත්කරණය අවම රටවල් තවමත් කොවිඩ් රෝගය හේතුවෙන් අවදානමේ පසුවන බව එම වාර්තාවල සඳහන් වේ.මතු වී ඇති ප්‍රධාන ප්‍රශ්නයක් නම් බොහෝ පිරිසකට අඩු අවදානමක් ගෙන දෙන නමුත් කොටසකට දැඩි අවදානමක් ගෙන දෙන වෛරසයක් හසුරුවන්නේ කෙසේද යන්න බව විශේෂඥයෝ පවසති.දැඩි අවදානමට ලක් වන පිරිස බොහෝ පිරිස් අනුමානය කරනවාට වඩා වැඩි පිරිසක් බවද එම විශේෂඥයන් පවසා ඇත.
