ශ්‍රී ලංකාවේ ආර්ථික හා දේශපාලන ස්ථාවරත්වය යථා තත්ත්වයට පත් කිරීම සඳහා ශ්‍රී ලංකා නීතිඥ සංගමයේ යෝජනා පිළිබඳව සාකච්ඡා කිරීම සඳහා නීතිඥ මණ්ඩලයේ විශේෂ රැස්වීමක් ඊයේ(23) දින පවත්වා තිබේ.
එහිදී ශ්‍රී ලංකාව පුරා සිටින ශාඛා නියෝජිතයන්ගෙන් සමන්විත නීතිඥ මණ්ඩලය විසින් යෝජනා 13 ඒකමතිකව අනුමත කරන ලදී. යෝජනාවලට ඇතුළත් වන්නේ:
1. 20 වැනි සංශෝධනය අහෝසි කරමින් 21 වැනි සංශෝධනය සම්මත කිරීම. 21 වැනි සංශෝධනය 19 වැනි සංශෝධනයට වඩා දියුණු විය යුතුයි. ආණ්ඩුක්‍රම ව්‍යවස්ථා සභාව සහ ස්වාධීන කොමිෂන් සභා පිහිටුවීම ඊට ඇතුළත් වනු ඇත.
2. පොදු අවම වැඩපිළිවෙලක් සහ පාර්ලිමේන්තුවේ දේශපාලන පක්ෂ අතර සම්මුතියක් ඇති කළ හැකි මන්ත්‍රීවරයෙකු අගමැති බවට පත්වීමත් සමඟ 15 දෙනෙකුගෙන් යුත් ජාතික සමගි රජයක් පිහිටුවීම.
3. නිශ්චිත කාල රාමුවක් තුළ විධායක ජනාධිපති ක්‍රමය අහෝසි කර ඒ වෙනුවට පාර්ලිමේන්තු විධායකයක් එනම් පාර්ලිමේන්තුවට වගකිව යුතු අගමැති සහ අමාත්‍ය මණ්ඩලයක් පත් කිරීම.
4. ආර්ථික ගැටළු සහ ඌනතාවයන් ආමන්ත්‍රණය කිරීම සහ දූෂණ විරෝධී නීති සම්පාදනය කිරීම ඇතුළත් පොදු අවම වැඩසටහනක් ඇති කිරීම.
(නීතිඥ සංගමයේ සභාපති සාලිය පීරිස් මහතාගේ මුහුණූ පොතේ පළ වූ ඉංග්‍රිසි ලිපියක සිංහල පරිවර්ථනයකි)
