පසුගිය කාලය තුළ අවලංගු කර තිබූ පොලිස් මහජන සහන මැදිරිය යළි ආරම්භ කිරීමට වැඩබලන පොලිස්පති ප්‍රියන්ත වීරසූරිය මහතා උපදෙස් ලබා දී තිබෙන බව වාර්තා වෙයි.
ඒ අනුව රජයේ නිවාඩු දිනයන් හැර සෑම සිකුරාදාවකම පෙරවරු 9 සිට පස්වරු 02 දක්වා ජනතාවට පැමිණිලි ඉදිරිපත් කිරීමට හැකියාව ඇත.
අංක 140, සර් චිත්තපලම් ඒ ගාඩිනර් මාවත, කොළඹ 02 යන ලිපිනයෙහි පිහිටි නව පොලිස් මූලස්ථානයේදී පොලිස් මහජන සහන මැදිරිය ක්‍රියාත්මකව පවතී.
පොලිස් ස්ථාන සහ විමර්ශන අංශ මගින් තම පැමිණිලි වෙත අපේක්ෂිත සහනයක් නොලැබුණු පුද්ගලයින්ට පොලිස් මහජන සහන මැදිරිය හරහා පොලිස්පතිවරයා ඇතුලු ඉහළ නිලධාරීන්ට තම පැමිණිලි ඉදිරිපත් කිරීමේ හැකියාව පැවතීම විශේෂත්වයක්.
