ගලෙන්බිදුණුවැව මෙගොඩවැව පිහිටි පහළදික්වැව වැව වසර පනහකට පසුව රුපියල් ලක්ෂ 128ක පමණ මුදලක් වැයකර ප්‍රතිසංස්කරණය කිරීමෙන් මාස කිහිපයකට පසුව බැම්ම බිදී විනාශවි ගොස් ඇති බව ගම්මානයේ ගොවින් පිරිසක් පෙන්වා දුන්හ.
මාස හයක් ගත වන කළ වැවේ බැම්ම විනාශ වීමෙන් පසුව කොන්ත්‍රාත් සමගමෙ පිරිසක් පැමිණ වැවෙහිම පස් යොදා පැලි ගිය ඉරි මකා දමා ඇති අයුරු එහි ගිය විට දැකගත හැකි විය.
උතුරු මැද පළාත් වාරිමාර්ග දෙපාර්තමේන්තුව යටතේ පුර්ණ අධික්ෂණයෙන් ප්‍රතිසංස්කරණය ආරම්භ කර ඇති වැවේ සියළුම ක්‍රියාකාරකම් අධික්ෂණය සදහා කැකිරාව වාරිමාර්ග දෙපාර්තුමෙන්තු අනු කාර්යාලයේ කර්මික ශිල්පියා යෙදවීමට එම දෙපාර්තුමේන්තු කටයුතු කර තිබුණි.
එම වැවෙහි සිදු කරන ළද ප්‍රතිසංස්කරණය මේ වන විට අවසන් කොට ඇති අතර පසුගියදා අනුරාධපුර දිස්ත්‍රික්කයට ඇද හැලුණු වර්ෂාව සමග වැව් බැම්ම ඉරිතැලි ගොස් විශාල කුහර මතුව වැව් බැම්ම අවධානමකට පත්ව තිබෙන අයුරු ගොවින් පෙන්වා දුන්හ.
වැව් බැම්ම පුළුල් කිරිම වැවෙහි රොන් මඩ ඉවත් කර වැව ගැඹුරු කිරිම වැවෙහි රලපනාව සැකසීම වැව්බැම්මට පිඩලි ඇල්ලීම මෙන්ම නාන තොටුපොල සැකසීම යන කටයුතු කොන්ත්‍රාත් සමගමට පැවරී තිබු ප්‍රතිසංස්කරණ කටයුතු වීය.
නිසි අයුරින් වැවෙහි රොන් මඩ ඉවත් කර ඇති බවක් දක්නට නොමැති බවත් වැව තුළ තිබු පස් යොදා ගෙන වැව් බැම්ම ප්‍රතිසංස්කරණය කිරිම මගින් වැව් බැම්ම අවධානමක හෙලා වැව පහළින් ජිවත්වන ජනයාගේ නිවාස දේපළ අවධානමක හෙලා ඇති බව පහලදික්වැව ගොවි ජනතාව චෝදනා කරයි.
වැවෙහි ප්‍රතිසංස්කරණය ආරම්භවී කෙටි කලකින් එහි සිදු කරණු ලැබු ප්‍රතිසංස්කරණය පිළිබද සෑහිමකට පත් නොවු ගොවින් මේ පිළිබද පළාත් වාරිමාර්ග දෙපාර්තමේන්තුව මෙන්ම වග කිවයුතු ආයතන හා බලධාරින් අවස්ථා කිපයකදීම දැනුවත් කරමින් ප්‍රකාශ කරමින් කියා තිබුණේ වැව් බැම්ම වැසි සමයට ඔරොත්තු නොදෙන බවයි.
ඒ අයුරින්ම මාස ගනනාවකට පසු මේ වන විට ගොවින්ගේ මැසිවිල්ල සත්‍යක් බවට පත්වි තිබෙනවා.වැවෙහී අඩුපාඩු පිළිබදව ගොවි සංවිධාන ප්‍රදේශයේ ගොවි ජනතාව පළාත් ආණ්ඩුකාර මහීපාල හේරත් මහතා දැනුවත් කිරීමෙන් අනතරුව වැවෙහි ප්‍රතිසංස්කරණ කටයුතු සොයා බැලීමේ නිරීක්ෂණ චාරිකාවක ඒ මහතා නිරතවූ අවස්ථාවේද වසර 50 කින් පමණ පහළ දික්වැව වැවෙහි නිසි ආකාරයෙන් ප්‍රතිසංස්කරණ කටයුතු සිදුවී නොමැති බවත් මෙවර සිදුකළ අළුත් වැඩියාවන් නිසා ආකාරයෙන් සිදු වී නොමැති බවත් ගොවීන් විසින් ආණ්ඩුකාරවරයාට පෙන්වා දී තිබුණි.
වැවෙහි ප්‍රතිසංස්කරණකටයුතු අවසන් බව ගොවි සංවිධාන සභාපතිවරයා විසින් සහතික කළත් ගොවියන්ගේ චෝදනාව වූයේ ඔවුන්ගේ අධීක්ෂණයකින් හෝ දැනුවත්වීමකින් තොරව එම කටයුත්ත සිදුකර ඇති බවයි.
මෙම වැවෙහි ප්‍රතිසංස්කරණ කටයුතු බැලූ බැල්මට නිසි ආකාරයෙන් සිදු වී නොමැති බවත් ඒ අනුව වැවේ ප්‍රතිසංස්කරණය අවසන් වීමට පෙර ගොවින්ගේ සහතිකය ගත යුතු බවත් කපා ඉවත් කර ඇති පස් මීටර් කියුබ් ප්‍රමාණය නැවත මැන වාර්තාවක් තමා වෙත ඉදිරිපත් කිරීමට පළාත් වාරිමාර්ග අධ්‍යක්ෂක ජයන්ත හේරත් මහතා වෙත ආණ්ඩුකාරවරයා උපදෙස් ලබාදී තිබුණි.
යම් හෙයකින් වැව බැම්ම බිදී ගිය හොත් පළාත් සභා අරමුදල් මගින් රුපියල් වෙන් කල මිලියක 12.8ක මුදල පමණක් නොව යළ මහා වගා කරනා කුඹුරු අක්කර 100 ආසන්න ප්‍රමාණයක කුඹුරු වගාව විනාශ වීමත් වැවට ආසන්නයේම වැව පහලින් ඇති පවුල් 18 ක් හා පහල දික්වැව මරදන්කල්ල හරහා කැකිරාව ගලෙන්බිදුණුවැව මාර්ගය දක්වා ඇති ගම්මාන රැසක් අවදානම් තත්වයකට පත්වන බව ගොවින් පෙන්වා දුන්හ.
අනුරාධපුර මහේෂ් විජේසූරිය
