පසුගිය සතියේ මෙරට ප්‍රධාන පුවත්පත් කිහිපයක මාධ්‍යවේදීන් විසින් පළ කරන ලද ප්‍රවෘත්තියක් සම්බන්ධයෙන් රහස් පොලිසිය හඹාගෙන යන සිද්ධියක් පිළිබඳව අද වැනි දිනයක් ආරම්භ කරන විටම අසන්නට ලැබීම කණගාටුවට මෙන්ව ලැජ්ජාවට කරුණක් බව ජනමාධ්‍ය අමාත්‍ය ඩලස් අලහප්පෙරුම මහතා පවසයි.
ඒ පිළිබදව කැබිනට් තීරණ දැනුම්දීමේ සාකච්ඡාවේදී කණගාටුව ප්‍රකාශ කළ බව ඔහු පවසයි.
තොරතුරු දැනගැනීමේ අයිතිය සහතික කරන විශ්වීය දිනය තුළදී ම සිදු නොවිය යුතු මෙවැනි සිද්ධියක් පිළිබඳ කනගාටුව මෙන්ම ලැජ්ජාව කරුණක් වු අතර අග්‍රාමාත්‍යවරයා, විෂය භාර අමාත්‍යවරයා මේ පිළිබඳව ඒ අවස්ථාවේදීම දැනුවත් කළා පමණක් නොව අපගේ විරෝධය දන්වා සිටීමට සහ ඊට එරෙහිවීමට අප විවෘතවම කටයුතු කළා යැයිද ඔහු වැඩිදුරටත් කියා සිටියි.
යළි එවැන්නක් සිදුනොවීමට වගබලාගන්නා බව ද අමාත්‍යවරයා කියා සිටියි.
ඔහු මේ බව කියා සිටියේ තොරතුරු සඳහා විශ්වීය ප්‍රවේශයක් වෙනුවෙන් ජාත්‍යන්තර දිනය නිමිත්තෙන් අයිතිය උදෙසා මාධ්‍යවේදියෝ සංවිධානය කළ ” තොරතුරු එන්නත සියලු පුරවැසියන්ට සහතික කරමු ” යන සැමරුම් උළෙල හා සජීවි සංවාද මණ්ඩපයේදීය. මෙය අද (28) දින සුම් තාක්ෂණය ඔස්සේ පැවැත්විණි.
නදික දයා බණ්ඩාර
