පොහොර ලබා ගැනීමට පොලොන්නරුව සේවාගම ගොවිජන සේවා මධ්‍යස්ථානය වෙත පැමිණි ගොවීන් පිරිසක් තමන්ට ලබා දීමට නියමිත පොහොර තොගය ගොඩගොවිතැන් කළ පිරිසකට ලබා දී ඇතැයි කියමින් විරෝධතාවක නිරත වූහ.
පොලොන්නරුව සේවාගම,වැවේතැන්න,මොණරතැන්න,ලක්ෂ උයන පලුගස්දමන උතුර යන ගොවි සංවිධානවල ගොවීන් 300කට පමණ මෙසේ මූලික පොහොර නොලැබීම නිසා ඔවුන් මෙම විරෝධතාව දියත් කළ හ.සේවාගම ගොවිජනසේවා බලප්‍රදේශයේ ගොවින් ට තවත් යූරියා පොහොර මිටි 1500ක හිගයක් පවතින බවත් එසේ තිබිය දී සේවාගම ගොවිජනසේවා මධ්‍යස්ථානයෙන් ගොඩ ගොවිතැන් සදහා පොහොර නිකුත් කර ඇති බවත් ඔවුහු ප්වසති.වී ගොවිතැනට ලබා දීමට නියමිත පොහොර වෙනත් පිරිසකට ලබා දී ඇති බවට ගොවීහු චෝදනා කරති.
“අපට යූරියා පොහොර මිටි 1500ක් පමණ අවශ්‍යයි.අද අපි පොහොර ගන්න ආවට ගොවිජනසේවා මධ්‍යස්ථානයට ආවත් මෙහෙට ලැබුණු පොහොර ටික වෙන අයට අතිරේක බෝග කරන අයට දීලා.අපේ බල ප්‍රදේශයේ අතිරේක බෝග වගා කරන අය අතේ ඇගිලි ගණනටත් අඩුයි.නමුත් පොහොර මිටි 72කින් දැන් තියෙන්නේ 16යි.අපේ පොහොර වෙනත් අයට දීලා.
මී ගැන දිසාපතිගෙන් අහනකොට එතුමා අපට චෝදනා කරනවා කලින් පොහොර ගත්තෙ නෙත්තෙ ඇයි කියලා.එහෙම ඇග බේරා ගන්න බැ.අපි ආවෙ පොහොර ගන්න.එනකොට පොහොර නැ.ඒ නිසා අපෙ ගොයමට දැන් දින 50ක් විතර වෙනවා.ගොවීන් 300ක් විතර අසරණ වෙලා.අපි ණය වෙලා කුඹුරු කරන්නේ.
මේ වතාවේ අපේ කුඹුරු විනාශ වෙලා.අපට පොහොර දෙන්න කියලා අපි ඉල්ලන්නේ.ඇහුවාම කියන්නෙ පොහොර නැ කියලා.කොටසකට පොහොර දෙන්නත් අපට නොදෙන්නත් හේතුව මොකද්ද පොහොර හිගයක් තියෙනවා නම් ලැබුණු පොහොර සාධාරණව ගොවීන්ට බෙදා දෙන්න ඕන.
හිතවත්කම්වලට මුදල්වලට පොහොර දෙනවා දෙනවා ද දන්නෙ නැ.ගොවිජනසේවා සහකාර කොමසාරිස්තුමා අපට කිව්ව ගොවිජන සේවා එකට මිටි 72ක් එව්වා කියලා නමුත් අපි අද බලනකොට 16යි තියෙන්නෙ.එහෙම වුනේ කොහොමද?වැඩි මිලටත් පොහොර නැ.
රුපියල් 5000ට වත් පොහොර හොයා ගන්න නැ.අපේ ගොයම දවසින් දවස විනාශ වෙනවා.” ගොවීහු කීහ.
විරෝධතා පුවරු ඔසවාගෙන සේවගම ගොවිජනසේවා මධ්‍යස්ථානය ඉදිරිපිට පැයකට අධික කාලයක් උද්ගෝෂණයක යෙදුනු ගොවීහු හිස් අතින් ම ගෙදර ගියහ.පින්තූරවල දැක්වෙන්නේ.එම විරෝධතාවේ අවස්ථා කිහිපයකි.
ඊෂා මුදියන්සේ – පොලොන්නරුව
