ජනතාවගේ එදිනෙදා පරිභෝජනයට අත්‍යවශ්‍ය වන භාණ්ඩ කිහිපයක් අලෙවි කෙරෙන මිල සම්බන්ධයෙන් පාරිභෝගික කටයුතු පිළිබඳ අධිකාරිය නිවේදනයක් නිකුත් කර තිබෙනවා.
එමගින් පෙන්වා දෙන්නේ වෙළඳපොල තුල භාණ්ඩ මිල ඉහළ යාම මෙන්ම ඇතැම් සිල්ලර වෙළඳසැල් හිමියන් අසාධාරණ මිල ගණන්වලට භාණ්ඩ අලෙවි කරන බව මේ දිනවල නිරන්තරයෙන් සාකච්ඡා වන කරුණක් බවයි.
මේ හේතුවෙන් භාණ්ඩ වර්ග කිහිපයක මිල පාරිභෝගික කටයුතු පිළිබඳ අධිකාරිය ප්‍රකාශයට පත්කර ඇති අතර මෙමගින් ප්‍රජාව දැනුවත් වීමට අමතරව වෙළඳපොල මිල නියාමන කටයුතු සඳහා ද පහසුවන බවයි ඔවුන් පෙන්වා දෙන්නේ.
