ඉන්දියාවේ ශ්‍රම බලකායේ කාන්තා සහභාගිත්වයේ කැපී පෙනෙන වර්ධනයක් පෙන්නුම් කරමින්, එය වසර හයක් තුළ 22% සිට 40.3% දක්වා ඉහළ ගොස් ඇත. කාන්තාවන් සඳහා වැඩි අවස්ථා නිර්මාණය කර ඇති ආර්ථික වර්ධනයන් සහ විවිධත්වය සහ සියල්ලන් ඇතුළත් කරගන්නා ප්‍රතිපත්ති මගින් මෙම වර්ධනය ලබාගෙන ඇති බව ඉන්දීය රජය පවසයි.
ඊට වෙනස්ව, ශ්‍රී ලංකාවේ ශ්‍රම බලකායේ කාන්තා සහභාගිත්වයේ වර්ධනයක් දක්නට නැත . ලෝක බැංකුවට අනුව, 2023 වසරේ ශ්‍රී ලංකාවේ මුළු ශ්‍රම බලකායෙන් 33.2%ක් කාන්තාවන් විය. ඒ හා සමානව, 2023 පළමු කාර්තුව සඳහා වූ ශ්‍රී ලංකා ශ්‍රම බලකා සමීක්ෂණය මෑත වසරවල අවම වර්ධනයක් පෙන්නුම් කරමින් කාන්තා ශ්‍රම බලකා සහභාගීත්ව අනුපාතය 32.7%ක් වාර්තා කළේය.
කලාපීය වශයෙන්, දකුණු ආසියාව ගෝලීය වශයෙන් ශ්‍රම බලකායේ කාන්තා අනුපාත අඩුම රටක් වන අතර, 2023 දී ශ්‍රම බලකායට සහභාගී වන්නේ වැඩ කරන වයසේ කාන්තාවන්ගෙන් 32%ක් පමණක් වන අතර, එය පිරිමින්ගෙන් 77%ක් පමණ වේ. මෙම විෂමතාවය මගින් කලාපය පුරා කාන්තාවන් රැකියා අවස්ථා වෙත ප්‍රවේශ වීම සහ රැකියාවල රැඳීම සම්බන්ධයෙන් මුහුණ දෙන අභියෝග ඉස්මතු කෙරේ.
